Superliga e Kosoves
Tre ndeshje interesante luhen sot në Superligë, sytë te Ballkani dhe Drita
Published
3 weeks agoon
Tre ndeshje interesante do të zhvillohen sot, në kuadër të xhiros së 29-të në Superligën e Kosovës në futboll.
Sfida kryesore e ditës së shtune pritet të jetë ajo në mes Feronikelit 74 dhe Ballkanit.
Suharekasit do të kërkojnë që ta ruajnë vendin e parë në tabelë, teksa drenicakët të largohen nga zona e barazhit.
Një takim tjetër interesant do të luhet në Gjilani, ku Drita e pret Lirinë. “Intelektualët” do të synojnë fitoren për të qëndruar një hap me liderin për titullin e kampionit.
Ndërsa në ndeshjen e tretë, Prishtina që nuk ka ndonjë motiv në ligë do t’i bëjë konak skuadrës së Gjilanit.
Të gjitha ndeshjet do të zhvillohen duke filluar nga ora 15:00.
You may like
-
Klopp: Krijuam 67 goditje në tre ndeshjet që nuk i fituam, e çuditshme
-
Gjimshiti ndihet krenar për eliminimin e Liverpoolit
-
Këto janë çiftet gjysmëfinaliste të Champions League
-
Bayern Munich ia del, bavarezët mposhtin Arsenal dhe shkojnë në gjysmëfinale
-
Pritet spektakël mes Real Madrid dhe City, Bayern Munich “përplaset” me Arsenal
-
Harry Kane tregon se cili është motivi shtesë për përballjen ndaj Arsenalit
Average Rating
Superliga e Kosoves
Kërcënon Llapi: Nuk dalim në fushë nëse delegohet gjyqtari Visar Kastrati
Published
3 weeks agoon
16 April 2024Një reagim i ashpër ka ardhur nga skuadra e Llapit në rrjetet sociale, ku ata kanë kërcënuar me mos-dalje në fushë, nëse sërish delegohet gjyqtari Visar Kastrati në ndeshjet e tyre.
Skuadra llapjane ka ankesa për dy ndeshjet e fundit që Kastrati ka gjykuar kur ata janë përballur.
Përveç njoftimit ku kanë thënë se nuk dalin në fushë nëse gjyqtari i njëjtë delegohet, ata kanë publikuar pamje, nga një moment i ndeshjes së fundit ndaj Dukagjinit, ku barazuan 1:1.
Reagimi i plotë i KF Llapit:
REAGIM
Duam të reagojmë sërish për mediat, opinionin e futbollit dhe komunitetin e futbollit kosovar, pas analizave në detaje të të gjitha ndeshjeve, sidomos dy ndeshjeve të fundit të gjykuara nga Visar Kastrati.
Ky turp i krijuar ndaj nesh ka emër Visar Kastrati, së bashku me ata që e deleguan në ndeshjet e klubit tonë.
Rastin e penalltisë së paakorduar ndaj nesh e kemi analizuar dhe konsultuar me shumë njohës të futbollit dhe ndihemi të dëmtuar nga i njëjti gjyqtar që FFK e shpalli më të mirin, kurse në VAR duke “fjetur” ishte gjyqtari Burim Jahmurataj dhe asistenti i tij Fatlum Jashari.
Ne nuk dyshojmë në aftësitë e tij të gjyqtarit, por gjykimi i tij ishte skandaloz dhe më i keq për futbollin kosovar.
Visar Kastrati, i cili punon si Koordinator i referimit dhe merr pagë mujore nga FFK, vazhdon me avazin e vjetër duke dëmtuar një klub të organizuar shkëlqyeshëm si klubi ynë.
Kjo nuk do shumë koment por që po ndikon drejtpërdrejt dhe qëllimisht tek rezultatet tona.
E paralajmërojmë FFK-në se nuk na intereson se si do delegohen gjyqtarët në xhiron e radhës, por në momentin që Visar Kastarati delegohet në ndeshjet tona të ardhshme në këtë kampionat, ne nuk do të dalim në fushë fare, pastaj përgjegjësinë për mosdaljen tonë në fushë le t’a mbaj FFK, Komisioni i Garave dhe njerëzit që janë kompetent për delegimin e gjyqtarëve.
P.s Edhe një herë, po publikojmë pamjet dhe interpretimin e njerëzve që kanë karrierë të pasur në futboll, pa mbajtur anë, por duke folur dhe vlerësuar rastin me realitetin e situatës në një ndeshje futbolli.
Superliga e Kosoves
Tri ndeshje interesante në Superligë: Derbi Llapi-Drita
Published
4 weeks agoon
7 April 2024Tri ndeshje tejet interesante do të zhvillohen të dielën në kuadër të javës së 28-të të Superligës së Kosovës në futboll.
Derbi do të zhvillohet në mes të Llapit dhe Dritës.
Skuadra e drejtuar nga Tahir Batatina, renditet në vendin e parë me 54 pikë, ndërsa skuadra gjilanase është në pzitën e tretë me 51 pikë të grumbulluara.
Kampioni në fuqi, Ballkani do të jetë nikoqire e Lirisë, e cila me gabimin e Llapit do ta merrte përsëri pozitën e liderit.
Ekipi nga Suhareka i ka grumbulluar 53 pikë dhe renditet në vendin e dytë, derisa skuadra prizrenase është e fundit në tabelë me 10 pikë.
Një ndeshje tjetër interesante është edhe ajo mes Feronikelit 74 dhe Prishtinës.
Nikli i drejtuar nga Shefki Kuqi,po lufton për mbijetesë dhe renditet në vendin e tetë me 29 pikë, kurse bardhekaltërit ndodhen në vendin e pestë me 39 pikë.
Të tri ndeshjet nisin nga ora 15:00.
Superliga e Kosoves
Daja mendon ndryshe nga Batatina: Rezultati më i drejt ishte barazimi
Published
2 months agoon
16 March 2024Ballkani dhe Llapi kanë barazuar pa gola në kuadër të xhiros së 26-të në Superligën e Kosovës në futboll.
Pas ndeshjes është prononcuar trajneri i Ballkanit, Ilir Daja, i cili tha se rezultati më i drejt i kësja ndeshje ishte barazimi.
“Nuk po dilnim në lojën tonë, në pjesën e dytë kishim rastet tona, duhet të ketë më shumë lojë qoftë për tifozët qoftë për futbollin, kishte ndërprerje të shpeshta, nuk e di sa kishte”, u shpreh Daja.
“Ajo që më duhet të shikojë pjesën e lojës sidomos pjesa e parë. Rezultat më i drejt ishte barazimi”.
Ballkani pas barazimit mbetet në vendin e parë me 52 pikë të grumbulluara, teksa Llapi një pozitë më poshtë me 51 sosh.