Atalanta ka avancuar në gjysmëfinale të Ligës së Evropës, duke mposhtur Liverpoolin me rezultat të përgjithshëm 3-1.

Pas ndeshjes është deklaruar trajneri i të Kuqve, Jurgen Klopp, i cili theksoi se ishte i kënaqur me reagimin e lojtarëve të tij.

“Më pëlqente shumë loja për një kohë të gjatë, përkushtimi, dëshira, fuqia”, u shpreh Klopp.

“Ky ishte reagimi që na duhej. Jam i kënaqur me pjesën më të madhe të lojës”.

“Ne krijuam 67 goditje në tre ndeshjet që nuk i fituam. Është vërtet e çuditshme…”.

Rafael Leao beson se Milani duhet të kishte barazuar rezultatin kundër Romës në ndeshjen e parë çerekfinale të Ligës së Evropës javën e kaluar,

Leao, mes tjerash thekson se janë gati për sfidën kryesore të kësaj kampanje.

“Ne jemi gati për të, është një nga ndeshjet tona më të mëdha të sezonit. Mendoj se bashkëlojtarët e mi e dinë se çfarë do të thotë kjo ndeshje”, tha Leao.

“Unë, personalisht, dua të luaj sot, tani, ne kemi shumë besim, por sigurisht që ne e respektojmë edhe Romën, sepse ata janë një ekip i madh me lojtarë të mëdhenj, por ne po shkojmë atje me fuqi të plotë për të provuar ta fitojmë”.

Milani duhet të përmbysë rezultatin prej 1-0 pasi Gianluca Mancini i dha Romës epërsinë në San Siro të enjten e kaluar.

Leao ka ende keqardhje për rezultatin eventual të ndeshjes së parë, por këmbëngul se skuadra është gati.

“Mund të kishim barazuar, por nuk ia dolëm. Ne do të shkojmë në ndeshjen e dytë në Romë për të fituar”.

Ndeshja do të zhvillohet të enjten, duke filluar nga ora 21:00.

Nuk mund të kishte rezultat më turpërues të paktën në sy, të tifozëve të tu. “Të Kuqtë” e Liverpool janë mundur paq, mbrëmjen e kësaj të enjteje, me “Bergamaskët” e Atalanta, që nuk kanë treguar aspak mëshirë, për kundërshtarët, në “mitikun” anglez, të “Anfield Road”, duke i mundur djemtë e Jurgen Klopp, me rezultatin e pastarë, 0 me 3.

Për skuadrën, pjesë e së cilë është edhe kapiteni i Kombëtares sonë, Berat Gjimshiti, i cili si zakonisht ishte titullar i padiskutueshëm, golat u shënuan nga “bomberi” italian, Gianluca Scamacca, me një dopietë në minutat 38’ e 60’, ndërsa”fantazisti” kroat, Mario Pasalic “vulosi” humbjen e thellë, të anglezëve, në minutën e 83’-të, pas një gabimi të Kelleher.

Falë këtij rezultati, Atalanta e Gjimshitit mund të jetë shumë pranë një arritjeje historike, siç është edhe elemnimi nga një tur evropian, i “Të Kuqve”, të Liverpool, që ishin padyshim favoritët për fitimin e trofeut, megjithatë gjithçka do të vendoset më 18 prill, me djemtë e Jurgen Klopp, që do të tentojnë gjithçka në “Gewiss Stadium”.