Ishte padyshim një performancë magjike. “Blutë” e Chelsea kanë triumfuar me rezultatin “tenisian” , mbrëmjen e kësaj të hëne, teksa kanë shpartalluar, me rezultatin e thellë, 6 me 0, skuadrën e Everton, në përballjen e vlefshme për javën e 33-të, të kampionatit anglez të futbollit, Premier League, duke thelluar edhe më shumë krizën e këtyre të fundit.

Padyshim, protagonist absolut edhe këtë të hënë ishte “ylli” anglez, Cole Palmer, i cili reaziloi jo një, por katër gola, në minutat 13’, 18’, 29’ e 64’, të sfidës, duke parakaluar kështu, “bomberin” norvegjez, Erling Haaland, në garën për “Këpucën e Artë”, të Premier League, ndërsa Nicolas Jackson e Alfie Gilchrist “hipotekuan” rezultatin përfundimtar, në minutat 44’ e 90’.

Falë këtij rezultati madhështor, “Blutë” e Chelsea ngjiten në kuotën e 47 pikëve, duke qëndruar kështu vetëm 3 pikë larg vendit të 6-të, që përkthehet me një vend në Kupat e Evropës dhe me një ndeshje në dorë, gjithçka mund të ndodhë. Ndërkaq, skuadra e Everton mbetet në kuotën e 27 pikëve, duke qëndruar vetëm 2 pikë larg “zonës së ftohtë” të rënies nga kategoria.

Trajneri i Arsenalit, Mikel Arteta foli në një konferencë shtypi përpara ndeshjes së nesërme kundër Aston Villa:

“Ajo që ata kanë bërë që kur erdhi Unai Emery është e rëndësishme. Ai ka pasur një ndikim të madh në ekip për sa i përket performancës dhe qëndrueshmërisë. Është e pabesueshme çfarë po bëjnë ata.

Si reagojnë lojtarët ndaj presionit? Mendoj se është thjesht motivim. Ata i kanë përjetuar tashmë kësi situatash kryesimi dhe janë shumë të emocionuar për çfarë po bëjmë dhe mënyrën se si ekipi po performon e fiton.

Natyrisht, nuk kënaqen, por duan më shumë. E dimë sfidën që na pret dhe sa të mirë duhet të jemi për ta fituar, por do të përpiqemi.

Arsenali do të kërkojë sonte që të rimarrë kryesimin në tabelë. 

Londinezët do të mirëpresin në Emirates skuadrën e promovuar në elitë këtë sezon, Luton. 

Topçinjtë humbën kreun e tabelës në fundjavën që shkoi, pas barazimit pa gola ndaj Man Cityt në Etihad, duke bërë që Liverpooli të marrë kryesimin pas fitores të së shtunës ndaj Brighton, shkruan Sinjali Sporti. 

Kësisoj, londinezët me një fitore do të kërkojnë që të paktën përkohësisht të rimarrin pozitën e parë, me një fitore potenciale sonte. 

Luton ndodhet në zonën e rënies nga liga, e pozicionuar në vendin e 18-të me 22 pikë.

Dy skuadrat tashmë kanë publikuar formacionet zyrtare, ndërkohë që Arsenali ka bërë 5 ndryshime për dallim nga ndeshja e fundit ndaj Man Cityt. 

Arsenal XI: David Raya; White, Saliba, Gabriel, Zinchenko; Odegaard, Partey, Smith-Rowe; Nelson, Havertz, Trossard. 

Luton Town XI: Kaminski; Kaboré, Hashioka, Onyedinma, Mengi, Doughty; Mpanzu, Barkley, Clark; Townsend, Morris.