Luis Alberto ka tronditur duke njoftuar drejtpërdrejt në televizion se ai tashmë i ka kërkuar klubit të Lazios që t’ia ndërpres kontratën, në mënyrë që të largohet gjatë kësaj vere.

Mesfushori spanjoll kishte qenë pranë largimit disa herë në vitet e fundit, për të ndryshuar gjithmonë mendjen, por këtë herë situata duket të jetë ndryshe.

“Javët e fundit kanë qenë të vështira për mua. Nuk e di se cili do të jetë projekti, por mund të them se sigurisht që nuk do të jem pjesë e projektit për sezonin e ardhshëm”, tha ai për DAZN.

“Unë tashmë i kam kërkuar klubit të më ndërpresë kontratën, nuk dua të marr një euro më shumë nga Lazio. Unë mendoj se është vetëm tani për të hequr dorë. Ky klub më ka dhënë shumë, por ka ardhur koha që të largohem dhe t’ua lë të tjerëve”.

31-vjeçari është nën kontratë deri në qershor të vitit 2027, kështu që mbetet për t’u parë nëse ai kërkon një transferim apo thjesht ndërpret marrëveshjen para kohe dhe lë pagat në tavolinë.

Luis Alberto ka bërë 302 paraqitje me fanellën e Lazios, duke kontribuar 51 gola dhe 76 asistime.

Mbrojtësi shqiptar i Lazios, Elseid Hysaj ka shpëtuar nga aksidenti pasi vetura e tij 160 mijë euroshe papritmas mori flakë dhe u dogj e tëra.

Në veturë, Hysaj gjendej së bashku me vjehrrin e tij.

Siç shkruan Il Messaggero, transmeton klankosova.tv, për fat të mirë Hysaj ka shpëtuar pa asnjë pasojë fizike.

“Makina u përfshi papritur në flakë, për fat nuk u lënduam, i shpëtuam rrezikut”, ka thënë Hysaj për Il Massaggero.

Dy shqiptarë e kanë gjetur vetën në formacionin e javës në Serie A.

Sipas Goal.com, bëhet fjalë për kapitenin e Kosovës Amir Rrahmanin, i cili fitoi me Napolin kundër Juventusit.

Ai pati një paraqitje mbresëlënëse duke iu “qepur” pas sulmuesit serb Dushan Vllahoviq.

Por, jo gjithçka shkoi mirë për kapitenin e “Dardanë”, pasi u deshtë të largohet nga loja pas lëndimit muskulor.

E në formacionin ideal të xhiros së 27-të u përfshi edhe futbollisti tjetër shqiptar, Kristjan Asllani.

Mesfushori kreativ luajti titullar në fitoren e Interit me rezultat 2:1 ndaj Genoas, ndërsa ia doli të shënonte edhe gol.

Asllani kishte më pak hapësira, por që kur iu dha rasti, i shfaqi vlerat e tij.