Franco Foda është emëruar zyrtarisht trajneri i Kombëtares së Kosovës, duke firmosur një kontratë 2 vjeçare me “Dardanët”.

Në konferencën për shtyp në ditën e prezantimit të tij, presidenti i FFK-së, Agim Ademi tha se Foda është trajner i rezultateve dhe se nën drejtimin e tij pret që Kosova të bëjë histori në garat ndërkombëtare.

Foda theksoi se Kosova është një skuadër shumë atraktive dhe se me pak ndryshime mund të arrihen suksese të mëdha. I pyetur për Edon Zhegrovën, Foda tha se ai është një sulmues krahu shumë i mirë, sidomos në repartin e sulmit. Gjithashtu Foda bëri të ditur se do të jetojë shumicën e kohës në Prishtinë.

Trajneri i njohur kosovar, Ismet Munishi e ka komentuar çështjen e trajnerit të Kosovës.

Federata e Futbollit e Kosovës ende nuk e ka caktuar trajnerin e ri, ndërsa Munishi ironizoi pak.

“Na e kanë bërë sikur Lul Raka, dy javë vendimtare. Me marrë një selektor të mirë. Të gjithë emrat që janë përfol janë trajnerë të mirë. T’i krijojmë edhe ne klimë të përshtatshme për me punu. Me këta rumunët e kam një inati pak më të veçantë. Duhet mi mujt edhe atje edhe këtu”, tha Munishi në T7.

Sot do të hidhet shorti për edicionin e ri të Ligës së Kombeve.

Kjo garë do të zhvillohet në pjesën e dytë të 2024-tës, konkretisht nis më 5 shtator.

Kombëtaret do të luajnë dy ndeshje në shtator, dy në tetor dhe dy në nëntor ku edhe përfundon gara në këtë cikël.

Kosova e ka zënë vendin në vazon e dytë bashkë edhe me Azerbejxhanin, Bullgarinë dhe Ishujt Faroe, në kuadër të Ligës C.

Prandaj, kjo i bie që “Dardanët” nuk do të mund të luajnë me ndonjërin nga këta kundërshtarë.

Kundërshtarë më të vështirë mund të jenë Suedia e Rumania, që janë në vazon e parë, ku kanë përfunduar edhe Luksemburgu e Armenia.

Ndërkaq, vazoja e tretë përbëhet nga Maqedonia e Veriut, Sllovakia, Irlanda e Veriut e Qiproja dhe njëra prej tyre mund t’i bie në grup Kosovës, njëjtë si Bjellorusia, Letonia, Estonia, Lituania e Gjibraltari, që gjenden në vazon e katërt.

E pikërisht, sot kombëtarja jonë do të i mësojë kundërshtarët e saj.

Shorti pritet të hidhet nga ora 18:00 në kryeqytetin e Francës, Paris.