Laçi arriti që të marrë një pikë ndaj kryesuesve të kampionatit duke barazuar 0-0 në Rrogozhinë ndaj Egnatias. Të besuarit e Edlir Tetovës regjistruan barazimin e dytë radhazi, ndërkohë që kurbinasit konfirmojnë ecurinë pozitive, teksa kjo ishte ndeshja e nëntë radhazi pa humbje mes kampionatit dhe Kupës.

Pjesa e parë ishte më e mirë për bardhezinjtë, që ngacmuan më tepër në gjysmëfushën kundërshtare. Në të 28-ën, Laçi ishte i pafat, teksa Qato goditi bukur nga distance, por topi u ndal në shtyllë.

Në pjesën e dytë Egnatia nisi të reagojë dhe pas një ore lojë iu afrua golit me Ndrecën, i cili provoi me një goditje dënimi, por u ndal nga Dajsinani. Vetëm 2 minuta më vonë, sërish gardiani i Laçit u bë heroi i kurbinasve. Vendasit fituan një 11-metërsh që u mor përsipër nga Spahiu, por portieri i Laçit kuptoi krahun dhe shmangu golin.

Egnatia mbetet e para dhe pas javës së 23-të, tani me 48 pikë, ndërkohë që Laçi shkon në kuotën e 28 pikëve dhe konfirmohet si skuadra e momentit në Superiore.

Pas një vere të nxehtë, me temperatura tepër të larta, një dimër i egër dhe me reshje të dendura dëbore ka kapluar Evropën, ku jo deri më tani janë shtyrë jo pak ndeshje, për shkak të kushteve atmosferike, ku stadiumet janë “përmbytur” nga dëbora, duke dhuruar një pamje sa spektakolare, aq edhe “dëshpëruese” për futbolldashësit, të cilët nuk mundën të shohin në fushë skuadrën e tyre të zemrës.

Me anë të një njoftimi, mesditën e kësaj të shtune, Departamenti i Garave në FSHF ka njoftuar tifozët se ndeshja Skënderbeu-Dinamo e kampionatit “Abissnet Superiore” dhe ndeshja Kastrioti-Bylis e Kategorisë së Parë, të programuara për t’u luajtur sot, do të shtyhen për shkak të kushteve të rënduara atmosferike.

Ndërkaqë, në ditët në vazhdim Departamenti i Garave në FSHF do të përcaktojë datat se kur do të luhen këto ndeshje. 

Gjithçka kishte mbetur në ajër.

Tashmë, nuk ka më enigma për të ardhmen e stolit të Partizanit, pasi trajneri aktual i bëri një konfirmim atij që do të vijë.

Arbër Abilaliaj, teknik i konfirmuar nga presidenti Demi, njëkohësisht drejtor sportiv i të kuqve, nuk la dyshime për ardhjen e Orges Shehit.

Shehi ishte trajner i Tiranës për më shumë se dy sezone, ndërsa fitoi gjyqin me klubin bardheblu për të qenë i lirë për të zgjedhur vazhdimin e karrierës.

Pasi konfirmoi gjithçka për Shehin, Abilaliaj foli edhe për ndeshjen e kësaj të diele ndaj Erzenit.

Partizani është në vend të dytë në Superligë me 32 pikë ndaj 37 të Egnatias.