Connect with us

Serie A

Zyrtare: Igli Tare largohet nga Lazio pas 18 viteve, shkaku i Sarrit

Published

on

0 0
Read Time:1 Minute, 9 Second

Igli Tare ka njoftuar largimin nga Lazio, duke i dhënë fund një karrierë të gjatë 18-vjeçare si futbollist dhe kryesisht si drejtor sportiv në klubin nga kryeqyteti italian.

Ish-sulmuesi i Shqipërisë iu bashkua Lazios si futbollist në vitin 2005 dhe i kaloi tri vite duke luajtur për ekipin, para se t’i varte këpucët në gozhdë për ta nisur karrierën si drejtor sportiv.

Tare kishte disa ngritje dhe ulje gjatë kohës si drejtor i Lazios, pasi solli disa lojtarë të shkëlqyer si Luis Alberto, Sergej Milinkovic-Savic dhe Ciro Immobile.

Megjithatë, disa prej dështimeve të tij fatkeqësisht ishin Vedat Muriqi, sulmuesi i Kosovës të cilin e solli nga Fenerbahce për 20 milionë euro.

Muriqi dështoi ta arsyetojë çmimin që Tare e bindi klubin ta paguajë për të dhe u largua në drejtim të Mallorcës për rreth 10 milionë euro.

Duke folur për TG1, Tare tha të hënën se është larguar nga Lazio.

“Po largohem pas 18 viteve, ishte një aventurë intensive. Do të bart gjithçka në zemrën time”, tha Tare.

Raportohet se arsyeja kryesore pse Tare u largua është trajneri Maurizio Sarri.

Sarri, i cili e udhëhoqi Lazion drejt vendit të dytë në Serie A dhe kualifikimit në Ligën e Kampionëve për sezonin e ri, nuk e kishte shikuar kurrë në sy Taren dhe tensionet mes tyre ishin kërcënim për të ardhmen e italianit në klub.

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Serie A

“Më shohin jashtë Juves”, dorëzohet Allegri, mediat zbulojnë projektin e ri të Elkann

Published

on

0 0
Read Time:1 Minute, 42 Second

Ishte një sezon që po shkonte drejt dështimit total, por në fund Juve e mbyll me trofe. Pasi siguruan prezencën në Champions League, “Zonja e Vjetër” triumfoi edhe në finalen e Kupës së Italisë, për Allegrin ky ishte trofeu i tij i 5-të, një rekord personal. Pavarësisht se ishte shpërthyes përpara dhe pas përfundimit të finales, Allegri në fund u shfaq i lumtur për këtë trofe:

“Jam shumë i lumtur për djemtë, bënë një punë të mirë duke i dhuruar tifozëve dhe shoqërisë pak gëzim. Të fitosh nuk është kurrë e lehtë, por kjo është në ADN e Juves”, theksoi Allegri duke bërë më pas një koment të qartë në lidhje me të ardhmen e tij në krye të ekipit:

“Të shumtë janë ata që më shohin jashtë Juves. Nëse vitin tjetër nuk do të jem më trajner i kësaj skuadre do të kem lënë një ekip të fortë dhe fitues. Shoqëria do të bëjë vlerësimet e veta, ka të drejtë të vendos, ka të drejtë të ndryshojnë trajner dhe lojtarë”, theksoi trajneri i “Zonjës së Vjetër” duke u ndalur më pas te reagimet e tij, ndaj gjyqtarit dhe ndaj drejtorit sportiv:

“Në fund të ndeshjes po festoja me skuadrën. Unë e respektoj shoqërinë dhe drejtuesit. Juve duhet të fitojë, pjesa tjetër nuk ka rëndësi. Në fund të ndeshjes doja thjesht të festoja me djemtë e mi të cilët kanë zhvilluar një sezon të rëndësishëm. Pas humbjes kundër Inter kaluam tre muaj ku lëkura u bë shumë e rëndë, por në fund arritëm atë që duhej, Champions dhe Kupën e Italisë”, përfundoi Allegri.

 

 

Mediat italiane e bëjnë të kryer largimin e tij, madje La Repubblica zbardhi fjalët e Allegrit drejtuar drejtuesve: “Keni një vit që e dini dhe nuk e treguat të vërtetën”. E vërteta sipas mediave është se Juventus e ka mbyllur me Thiago Motta-n do të jetë ai trajneri i ri i Juves, ndërsa në Torino do të qëndrojnë Vlahovic dhe Chiesa, parimisht kanë gjetur akordin total për të rinovuar kontratat e tyre respektive.


Happy

Happy

0 %


Sad

Sad

0 %


Excited

Excited

0 %


Sleepy

Sleepy

0 %


Angry

Angry

0 %


Surprise

Surprise

0 %

Continue Reading

Serie A

Verdiktet e Serie A/ Bologna dhe Juventus në Champions League, Roma lufton për një vend në Europë

Published

on

0 0
Read Time:53 Second

Me dy sfida deri në përfundim, Serie A vazhdon të japë verdikte. Falë suksesit të Atalanta ndaj Romës, Bologna dhe Juventus festojnë, pasi të dyja kualifikohen për në Champions League të sezonit të ardhshëm.

Roma duhet të mbrojë absolutisht vendin e gjashtë nga rivalët e Lazio, në -1 dhe të sigurt për të luajtur të paktën në Conference League. Në fakt, ky pozicionim mund të garantojë po aq akses në Champions League nëse Atalanta do të fitonte finalen e Europa League kundër Leverkusen. Nga ana tjetër, Milan ka siguruar vendin e dytë në kampionat.

Duke luajtur për vendin e tetë, ata që janë duke luftuar për të hyrë në Conference League janë Napoli, Fiorentina dhe Torino, por nuk duhet harruar as Monza, pasi ka një skenar që mund t’i aksesonte në kompeticionet europiane.

Megjithatë, Fiorentina do të luajë finalen e Conference League kundër Olympiacos më 29 maj. Me një triumf, toksanët do të kishin të garantuar kalimin e tyre në Europa League për sezonin e ardhshëm. Në këtë rast, Italia do të sillte nëntë skuadra në Europë.


Happy

Happy

0 %


Sad

Sad

0 %


Excited

Excited

0 %


Sleepy

Sleepy

0 %


Angry

Angry

0 %


Surprise

Surprise

0 %

Continue Reading

Serie A

Barazimi i Milan ndaj Sassuolo, Pioli: Mund të bënim 5 ose 6 gola

Published

on

0 0
Read Time:40 Second

Milan barazoi 3-3 ndaj Sassuolo në transfertë, dhe pas përfundimit të sfidës, Stefano Pioli, trajneri i Milan foli për 90 minutat.

“Duhet të ishte shmangur pakujdesia në të cilën pësuam gola, por nuk është e vërtetë që nuk ishim të guximshëm me topin. Ne shënuam tre gola. Krijimi i situatave të rrezikshme, ndoshta është ndeshja në të cilën ne krijuam më së shumti, ne mund të kishim shënuar 5 ose 6 gola. Kemi shpirtin e skuadrës, por ne duhet të rrisim nivelin e lojës.

Ndeshja e radhës vendimtare për të ardhmen? Për mua asgjë nuk ndryshon, ndeshja e radhës është gjithmonë më e rëndësishmja. E ardhmja ime do të vendoset në fund të kampionatit, ashtu siç ka qenë gjithmonë që kur jam bashkuar me Milanin”, është shprehur ndër të tjera Pioli.

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Continue Reading

Lajmet në Trend

Copyright © 2021 LajmeSportive

Resize text-+=