Zyrtare/ Afrimi i tretë, Vllaznia forcon sulmin me një maqedonas

Një sulmues krahu për Vllazninë. Kuqeblutë kanë zyrtarizuar përforcimin e radhës, duke prezantuar Darko Dodev.

25-vjeçari nga Maqedonia e Veriut luan si sulmues i majtë, ndërkohë që ka provuar të veshë fanellat e kombëtareve të moshave të Maqedonisë së Veriut.

Kjo është hera e parë që Dodev do të luajë jashtë vendit të tij. Ai ka firmosur deri në verën e vitit 2026 me klubin shkodran.

“Darko Dodev nga sot është zyrtarisht futbollist i Vllaznisë. 25 vjeçari nga Maqedonia e Veriut për 3 vitet e ardhshme do të jetë pjesë e skuadrës tonë.

Ai luan në rolin e sulmuesit anësor dhe për të kjo është eksperienca e parë jashtë vendit të tij.

Welcome Darko Dodev!”, lexohet në komunikatën zyrtare të Vllaznisë, që do të marrë pjesë në raundin e parë të Conference League.

Dodev është afrimi i tretë për skuadrën e drejtuar nga dyshja Memelli-Shtubina. Pas Ildi Grudës dhe Eslit Salës.