UEFA EURO 2024 Qualification

Trajneri i Norvegjisë tregon për gjendjen e Martin Odegaard përpara ndeshjes së Brentfordit

Published

1 year ago

19 November 2023

Trajneri i Norvegjisë, Stale Solbakken dha një përditësim pozitiv mbi gjendjen e Martin Odegaard përpara ndeshjes së Arsenalit në Premier League kundër Brentford.

Kapiteni i Arsenalit humbi tre ndeshjet e fundit të klubit të tij kundër Newcastle, Sevilla dhe Burnley pasi pësoi një tronditje të trurit pas një goditjeje në fytyrë me top gjatë një seance stërvitore.

Solbakken konfirmoi se 24-vjeçari po rikuperohet shpejt pasi u dha shpresë tifozëve të Arsenalit se kapiteni i tyre mund të rikthehet për ndeshjen vendimtare në Premier League kundër Brentford të shtunën e ardhshme.

Ish-lojtari i Real Madridit ka qenë një lojtar kyç në skuadrën e Mikel Artetas këtë sezon, pasi ka shënuar pesë gola dhe ka dhënë një asistim në 15 paraqitje në të gjitha garat, raporton Goal.com.

“Sapo kam ardhur nga një bisedë 45-minutëshe me Martinin. Ai po bëhet gjithnjë e më i mirë dhe gradualisht po rritet. Ka qenë më shumë ose më pak tre javë pa ndonjë stërvitje speciale, kështu që është e rëndësishme që gjërat të merren hap pas hapi. Si ai dhe Arsenali ndoshta shpresojnë që ai të jetë i disponueshëm për ndeshjen e Brentfordit”, tha Solbakken, duke folur në konferencën për shtyp para ndeshjes përpara takimit të skuadrës së tij me Skocinë.

Shpresat e Norvegjisë për t’u kualifikuar në Euro 2024 përfunduan të shtunën pasi Rumania mundi Izraelin 2-1.

Ata tani do të përballen me Skocinë në ndeshjen e tyre të fundit të kualifikueseve të dielën.

UEFA EURO 2024 Qualification

Goditi kundërshtarin në miqësoren me Austrinë, Sane: Është faji im, nuk kisha asgjë personale me të

Published

1 year ago

22 November 2023

Perparim Beqiri

Gjermania humbi 2-0 miqësoren ndaj Austrisë, takim të cilin djemtë e Julian Nagelsmann e luajtën me një lojtar më pak prej minutës së 49’. Moment kur Leroy Sane u ndëshkua me karton të kuq.

Sane goditi në fytyrë Philipp Mwene dhe rrezikon të pezullohet me 3 ndeshje, duke humbur në këtë mënyrë miqësoret e ardhshme të Gjermanisë, veprim për të cilin sulmuesi i Bayern Munchen është penduar.

“Është faji im dhe i askujt tjetër. Unë duhet ta kontrolloj veten, pasi zhgënjeva skuadrën. Dua të qartësoj se nuk kisha asgjë personale me Philipp. Thjesht isha i motivuar në maksimum dhe doja që gjërat të shkonin në drejtimin e duhur”,- tha anësori i Bayern Munich.

UEFA EURO 2024 Qualification

Shorti i “EURO 2024” po afron, UEFA bën publike katër vazot, Shqipërinë e pret “grupi i ferrit”

Published

1 year ago

22 November 2023

Perparim Beqiri

Kroacia ka qenë kombëtarja e fundit që i ëhstë bashkuar listës së skuadrave që kanë siguruar kualifikimin në EURO 2024. Kështu, është plotësuar numri me 21 skuadrat e kualifikuara, ndërsa tre të tjera do t’u shtohen pas fazës së play-off, për të formuar 24 ekipet që do të marrin pjesë në turne.

Duket qartë që vazoja e parë mban skuadrat e mëdha, me Gjermanin, Portugalinë, Francën, Spanjën, Belgjikën dhe Anglinë.

Në të dytën, ndodhet Danimarka, Hungaria, Austria, Shqipëria, Turqia dhe Rumania. Në vazon e tretë ndodhet Skocia, Sllovakia, Çekia, Sllovenia, Holanda dhe Kroacia. Ndërsa në vazon e fundit, Italia, Zvicra, Serbia dhe tre fituesit e fazës play-off.

Shqipëria pritet të ketë një grup tepër të vështirë, ku me shumë gjasa nuk do të shmanget dot “grupi i ferrit”.

UEFA EURO 2024 Qualification

Kroacia e kualifikuara e fundit, Turqia e mbyll grupin D në vendin e parë

Published

1 year ago

21 November 2023

Perparim Beqiri

Kanë përfunduar dhe sfidat e fundit të fazës kualifikuese të Kampionatit Evropian të futbollit, Euro 2024, ku në grupin D, le të themi, që nuk ka patur asnjë surprizë përveç mungesës së goleadës, në fitoren e Kroacisë.

Kështu, Kroacia e Zlatko Dalic është bërë Kombëtarja e fundit, e cila kualifikohet për në fazën e grupeve të Kampionatit Evropian të futbollit, Euro 2024, me golin e Ante Budimir, që mjaftoi ndaj kundërshtarëve armenë, për të gjetur 3 pikët e arta, që siguruan pjesëmarrjen në Euro 2024, për skuadrën e teknikut Zlatko Dalic.

Në krahun tjetër, Turqia nuk ka shkuar më shumë barazimi, 1 me 1, ndaj “Dragonjve” të Uellsit. Nga një gol i Neco Ëilliams e Yusuf Yazici mjaftuan për të “vulosur” fatet e sfidës, por edhe vendin e parë të skuadrës së italianit Vincenzo Montella, në grupin D.