Ten Hag thotë se pret që Sancho të qëndrojë në Manchester United

Trajneri i Manchester Unitedit, Erik ten Hag, ka thënë se pret që ylli anglez, Jadon Sancho, të qëndrojë te Manchester Unitedi, pavarësisht interesimit të Chelseas.

Ten Hag u pyet për të ardhmen e Sanchos pasi Chelsea paraqiti ofertën e parë për anësorin. Për Fabrizio Romano, ata kanë ofruar një paketë huazimi që e kalon ofertën e Juventusit për anglezin dhe Sancho thuhet se është i hapur për këtë lëvizje. Megjithatë, Ten Hag këmbëngul se ai beson se lojtari do të mbetet në Old Trafford.

Sancho dhe Ten Hag janë përplasur në mënyrë famëkeqe në të kaluarën dhe i pari ka hasur në probleme për të lënë përshtypje deri më tani këtë sezon. Ai hyri si zëvendësues kundër Manchester City në Community Shield, por nuk ka luajtur asnjë minutë futboll në Premierligë deri më tani.

Ten Hag tha: “Me sa di unë, pres që ai të qëndrojë, po. Ne jemi të lumtur me të. Na duhet një skuadër e mirë. Duhet të luajmë shumë ndeshje deri në janar. Pas pushimit ne luajmë çdo të tretën ditë, kështu që kemi nevojë për opsione shtesë”.

United luan me Liverpool në një përballje të madhe këtë fundjavë. Mbetet për t’u parë nëse Sancho do të jetë ende në skuadër, pasi afati i transferimeve mbyllet të premten në mbrëmje (sot).