Egnatia do të luajë ditën e nesëme ndeshjen e kthimit në Champions League. Një sfidë shumë e rëndësishme për rrogozhinasit, të cilët ndaj Borac Banja Luka do të synojnë fitoren për të siguruar kualifikimin për në fazën tjetër.
Dueli i parë mes tyre është mbyllur në 0-1 në favor të ekipit nga Bosnja – Hercegovina, me kampionët e Shqipërisë që do të kërkojnë “hakmarrjen” në “Elbasan Arena” në orën 21:00.
Prej ditësh ekipi i drejtuar nga Edlir Tetova ka vazhduar përgatitjet për këtë duel. nëpërmjet një postimi në rrjetet sociale, klubi “kërcënon” kundërshtarin e tyre, ndërsa shkruan se do të shihen të mërkurën në Elbasan.
“Shihemi të mërkurën në Elbasan”, ka shkruar klubi, ndërsa tregon foto nga seancat stërvitore të skuadrës.
