Synohet kualifikimi në “Play-Off”, Ballkani dhe Drita vazhdojnë rrugëtimin në Conference League

Published

4 months ago

15 August 2024

Ditën e sotme do të luhen ndeshjet e kthimit të fazës së 3-të të Conference league.

Drita dhe Ballkani që janë ende në garë do të kërkojnë rezultat pozitiv për të kaluar në fazën tjetër të këtij turne.

Kështu Drita do të zbresë në fushë në orën 20:00, ku në stadiumin “Stadiumi Fadil Vokrri” në Prishtinë do të presë ekipin e Auda.

Një duel shumë i rëndësishëm për “Intelektualët”, që do të kërkojnë të përmbysin humbjen 1-0 të sfidës së parë dhe për të kaluar më pas në “Play-Off” e Conference League.

Ballkani nis ballafaqimin nga ora 21:00.

Ekipi i Ilir Dajës do të luajë në transfertë, teksa do të sfidojë skuadrën e Larne.

Një duel mjaft i rëndësishëm për kampionët e Kosovës, të cilët synojnë përmbysjen e sfidës së parë për të tentuar kualifikimin në fazën tjetër.

Ndeshja e para mes tyre ka përfunduar 1-0 në favor të ekipit Irlanda.

Chelsea merr fitoren e katërt në Ligën e Konferencës, mposht Heidenheim

Published

4 days ago

28 November 2024

Perparim Beqiri

Chelsea ka regjistruar edhe fitoren e katërt radhazi në Ligën e Konferencës, duke triumfuar në udhëtim te Heidenheim.

“Blutë” arkëtuan pikët e plota falë një fitore komode 0:2, sfidë që e dominuan nga fillimi.

Mysafirët me lojë agresive nga fillimi duke pasur disa mundësi shënimi me Mudryk e Nkunkun, por dështuan t’i finalizuan.

Ishte Christopher Nkunku që e kontrolloi për mrekulli një pasim të fortë të Jadon Sanchos për t’i dhënë epërsinë Chelseas (51’).

Vendasit pastaj shënuan përmes Maximilian Breunig, mirëpo që VAR-i e anuloi për pozitë jashtë loje.

Fitoren e Chelseas e vulosi Mykhailo Mudryk pas një tjetër asistimi të Sanchos (86’).

Heidenheim në fakt shënuan prapë përmes Breunig, por sërish u anulua për pozitë jashtë loje.

Chelsea ka 12 pikë në kreun e Ligës së Konferencës, kurse Heidenheim renditet në pozitën e gjashtë me nëntë sosh.

Chelsea e pamëshirshme ndaj Noah, ia shënon tetë gola

Published

4 weeks ago

7 November 2024

Perparim Beqiri

Chelsea nuk ka treguar aspak mëshirë ndaj skaudrës Noah, duke e demoluar në “Stamford Bridge”.

Skuadra londineze luajti me shumicën e lojtarëve të rinj, ndërsa triumfoi me rezultat të thellë 8:0.

Tosin Adarabioyo shënoi një gol me kokë për t’i dhënë epërsinë Chelseas (12’), ndërsa vetëm një minutë më vonë Marc Guiu e dyfishoi epërsinë (13’).

Axel Disasi pastaj realizoi golin e tretë pas një asistimi të Enzo Fernandezit (18’).

Ishte Joao Felix që u përkujdes për golin e katërt vetëm tre minuta më vonë pas një tjetër asistimi të Fernandezit (21’).

Chelsea s’u ndalë më kaq duke shënuar edhe dy gola për dy minuta. Mykhailo Mudryk përfitoi nga pasimi i Nkunkut për ta dërguar rezultatin në 5:0 (39’).

Kurse, Felix shënoi golin e dytë personal vetëm dy minuta më vonë pas asistimit të Felixit (41’).

Chelsea vazhdoi fuqishëm edhe në pjesën e dytë, ku Nkunku realizoi një dygolësh (69’, 76’).

Chelsea është lider në Ligën e Konferencës me nëntë pikë ndërsa Noah renditet në pozitën e 27-të me tre sosh.

Chelsea bindëse ndaj Panathinaikos

Published

1 month ago

24 October 2024

Perparim Beqiri

Chelsea ka shënuar fitore të thellë në udhëtim te skuadra greke Panathinaikos, në kuadër të xhiros së dytë për fazën e ligës të Ligës së Konferencës.

“Blutë” zhvilluan një tjetër paraqitje solide duke fituar me rezultat 1:4 në fund.

Joao Felix kaloi Chelsean në epërsi me një gol të bukur pas asistimit të Mudryk (22’).

Mudryk ishte në formë të jashtëzakonshme, duke dyfishuar epërsinë pas një pasimi të Netos (49’). Vetëm pesë minuta, Felix doli sërish në skenë për ta shënuar golin e tretë për “Blutë”, pas një tjetër asistimi të Mudryk (55’).

Kurse fitoren pastaj e vulosi Christopher Nkunku, duke qenë i saktë nga penalltia (59’).

E tëra që bëri skuadra greke ishte goli i nderit, i realizuar nga Pellistri pas asistimit të Vagiannidis (69’).

Chelsea mbetet lider në fazën e ligës të Ligës së Konferencës me gjashtë pikë, kurse grekët zënë pozitën e 24-të me një sosh.