Trajneri Ruben Amorim e ka pranuar se pesë lojtarë të Manchester Unitedit duhet të shënojnë me patjetër më shumë gola.

Golat kanë qenë problemi kryesor i skuadrës angleze, sidomos dyshja Rasmus Hojlnd e Joshua Zirkzee që kanë kushtuar mbi 100 milionë funte.

Amorim i ka mohuar sugjerimet se Unitedi duhet të blejë në janar për t’i rregulluar problemet me gola, sidoqoftë disa lojtarë kanë kualitetin për të kontribuar.

“Sigurisht, ka pak shqetësim për këtë situatë. Por, duhet të përmirësohemi si skuadër. Kemi kualitetin e lojtarëve që mund të shënojnë shumë gola”.

“Mund ta shihnit në pjesën e dytë ndaj Ipswich, e kontrolluam posedimin e topit por nuk ishim të rrezikshëm. Ndoshta sepse e kaluam javën duke tentuar të ndërtojmë dhe pjesa tjetër nuk ishte aty”.

“Do të provojmë të përmirësohemi dhe pastaj Hojlund, Zirkzee dhe Rashford do të shënojnë më shumë gola. Edhe Bruno duhet të shënojë më shumë gola. Amad gjithashtu duhet të bëjë më mirë para portës”.

“Të gjithë kata duhet të përmirësohen për të shënuar më shumë gola. Duhet të përmirësohemi si skuadër, nuk ka nevojë për një sulmues të ri. Këta lojtarë mund të shënojnë gola”.

Man Unitedi rikthehet në aksion të enjten në përballjen ndaj Bodo/Glimt, kurse në vikend – më saktësisht të dielën takohet me Evertonin.

Manchester Unitedi ka shënuar fitore komode në shtëpi ndaj PAOK-ut, që ishte e para në këtë edicion të Ligës së Evropës.

“Djajtë e Kuq” triumfuan me rezultat 2:0 ndaj skuadrës greke, ku heroi padyshim ishte Amad Diallo.

Vendasit ishin më të mirë nga fillimi por që nuk i finalizuan aksionet.

Diallo realizoi një gol të mrekullueshëm me kokë pas një harkimi të Bruno Fernandesit për t’i dhënë epërsinë Unitedit (50’).

I njëjti pastaj realizoi një supergol nga distanca për ta lënë të shtangur portierin mysafir dhe vulosur fitoren (77’).

Unitedi tani zë pozitën e 15-të në fazën e ligës të Ligës së Evropës me gjashtë pikë, ndërsa PAOK renditet në pozitën e 32-të me një sosh.