Pesë ndeshje të Bundesligës, të vlefshme për javën e dytë, prodhuan 14 gola të shënuar.
Borussia Dortmund, nuk shkoi më shumë se barazimi pa gola në transfertë ndaj Werder Bremen. Vlen të theksohet, se nga minuta e 73-të, verdhezinjtë luajtën me 10 lojtarë, pasi Schlotterbeck, u ndëshkua me të kuq.
Borussia Monchengladbach, fitoi 0-2 ndaj Bochum jashtë, në një ndeshje të dominuar gjatë gjithë kohës.
Stuttgart-Mainz, ishte një përballje spektakolare, me dy skuadrat që barazuan 3-3, me dy gola të shënuar në fund.
Fitore regjistroi edhe Eintracht Frankfurt, që mposhti 3-1 skuadrën e Hoffenheim. Sfida tjetër ishte ajo mes Holstein Kiel dhe Wolfsburg, e cila u fitua nga këta të fundit më rezultatin 0-2.
