Mbrëmë, Shqipëria e ka realizuar një fitore spektakolare ndaj Ukrainës në Pragë.

“Kuqezinjte” triumfuan 1:2 me golat e Ardian Ismajlit dhe Jasir Asanit.

E pas këtij suksesi, skuadra e udhëhequr nga Sylvinho do ta ketë një tjetër përballje të marten.

Në “Air Albania”, ndeshja do të luhet kundër Gjeorgjisë, që po ashtu startuan mjaft mirë duke e mposhtur Çekinë 4:1.

Interesimi i tifozëve është shumë i madh dhe biletat për lojën Shqipëri – Gjeorgji janë shitur të gjitha, njofton Federata Shqiptare e Futbollit.

FSHF-ja i falënderon të gjithë tifozët shqiptarë që do të jenë të pranishëm në stadiumin “Air Albania” më 10 shtator, në mbështetje të ekipit tonë Kombëtar dhe i fton të krijojnë një atmosferë të ngrohtë, pozitive dhe të tregojnë respekt ndaj ekipit kundërshtar.

“Kaloi përtej futbollit”, kështu është shprehur futbollisti i Kombëtares, Elseid Hysaj për reagimin e furishëm në publik në lidhje me kokën e ulur në gjuajtjen e Nikolo Barelas në minutën e 16, me topin që më pas shkoi në rrjetë në ndeshjen Shqipëri-Itali.

I ftuar në emisionin “Kampionët” në Tv Klan, Hysaj ka treguar me detaje emocionet dhe gjithçka që shkaktoi gjithë ai reagim i tifozerisë shqiptare kundrejt tij.

“Për mua kampionati ishte vërtetë i çuditshëm dhe shumë i bukur. Më vjen keq që e mbyllëm pa një fitore sepse e meritonim. Jam i kënaqur, çunat ishin të kënaqur. Na ra një grup shumë i fortë. Të gjithë kishim besim se mund të kalonin, se mund të ndodhte një mrekulli.

Si më ndodhi me mua, mund të ndodhi me dikë tjetër. Unë jam i qetë me të vërtetë. Në karrierën time kam kaluar momente të këqija dhe shumë të bukura. Unë kam arritur ngadalë çdo shkallë, jam lodhur për të arritur ku kam arritur dhe nuk besoj se një episod që mund të ndodhë… Kaloi përtej futbollit. Kritikat të gjithë i kemi pranuar. Doli jashtë futbollit. U ekzagjerua pak si shumë.

Unë direkt kam kthyer kokën, kur pashë që topi po hynte në rrjetë, direkt kam menduar se do të thonë njerëzit se ky u shmang. Po provoja që të ikja. Isha pak si i ulur, është një instinkt. Është një sekondë, është instinkt sepse pashë topin në moment të fundit dhe ula kokën. Nuk mundet që një episod i tillë që ndodh shumë shpesh në futboll…

Kanë kaluar tepër futbollit, janë marrë me flokët e mia dhe me paraqitjen time. Unë kam djalin 8 vjeç. Sikur një fëmijë i im të ishte në rrjetet sociale, nuk do të ishte bukur. Unë nuk e kam problem. Unë vij për shtetin tim këtu. Më vjen keq që njerëzit mendojnë se vij në Kombëtare për të kaluar ditën. Reagova për shkak të familjes. Ata janë të parët që më kanë mbështetur, babai im, djali dhe gruaja. E shikoja që kur flisja në telefon me prindërit e mi dhe më pyesin si je ti”, tha ai.

Do të merren më shumë të ardhura se asnjëherë më parë.

Kombëtarja i ka siguruar Federatës Shqiptare të Futbollit 9.25 milionë euro me kualifikimin që ka arritur në finalet e Kampionatit Europian.

Kjo është shuma që do të marrë secili nga 24 ekipet finalistë.

Përveç kësaj, fitorja në grup do të vlente 1.5 milionë euro, ndërsa barazimi me 750 000 mijë euro.

Kjo do të thotë rritje 50 për qind, pasi fitorja në Euro 2016 shpërblehej me 1 milion euro, aq sa morën kuqezinjtë me fitoren në grup ndaj Rumanisë.

Fitimet nuk përfundojnë me kaq, sepse nëse Shqipëria kalon në raundin e dytë, do të fitojë 2 milionë euro, ndërsa shpërblimet rriten në 3.25 milionë për çerekfinalet dhe 5 milionë euro për gjysmëfinalet.

Natyrisht, e kemi pak të vështirë të mendojmë se Shqipëria do të arrijë deri këtu.