Futbollisti dardan, Edon Zhegrova, u shfaq në formë të jashtëzakonshme edhe fundjavën e kaluar, teksa realizoi dygolësh në barazimin 3-3 të skuadrës së tij Lille ndaj Strasbourgut në javën e pestë të Ligue 1.

Zhegrova realizoi në minutat 15’ dhe 27’, por, fatkeqësisht, ekipi i tij nuk ia doli të merrte maksimumin e pikëve.  

Zhegrova u shpall njeriu i ndeshjes falë institkit të tij vrasës para portës, por vlerësimet për paraqitjen e tij u konfirmua me përfshirjen e emrit të tij në formacionin e javës në Ligue 1.

Nota e futbollistit dardan, vënë nga sajti i specializuar për statistikat, “sofascore”, është 8.9, më e larta mes 11 lojtarëve të përfshirë në këtë formacion .

Padyshim pritej një sfidë spektakolare dhe e tillë rezultoi të ishte.

“Klasikja” e futbollit francez, mes Lyon e Marseille dhuroi edhe një herë “magji” në skenën e Ligue 1, me “Të Kaltërit” e Roberto De Zerbi, që përmbysën vendasit në “Parc Olympique Lyonnais”, duke arritur një fitore të madhe, 3-2.

Pavarësisht se në fund gjetën fitore, skuadra e Marseille e nisi sfidën në mënyrën më të keqe të mundshme, teksa mbeti me 10 lojtarë, vetëm pesë minuta pas fillimit të lojës, me argjentinasin Leonardo Balerdi, që u ndëshkua dy herë me kartonin e verdhë duke i dhënë lojës “lamtumirën”.

Megjithatë pavarësisht se kishin epërsi numerike në fushën e lojës, sërish rasti i parë konkret për skuadrën e Lyon erdhi në sekondat e fundit të pjesës së parë, mirëpo nga pika e bardhë e penalltisë, Alexandre Lacazette gaboi, duke mos çuar dot topin në rrjetë.

Avantazhi do të vinte vetëm në minutën e 53’-të, me kroatin Caleta-Car, që shfrytëzon më së miri një pasim të Clinton Mata dhe 1-0.

Të gjendur në disantazhin, si numerik ashtu edhe në rezultat, Marseille filloi të sulmonte duke përmbysur shpejt rezultatin, teksa ishte dyshja e mbrojtjes Lirola-Garcia, që shënuan dy herë, ndërsa për të përmbysur golin e Ryan Cherki, në minutën e 93’-të, mendoi talenti anglez, Jon Roëe, i cili dërgoi topin në rrjetën e Lyon, në sekondat e fundit të sfidës.

Falë kësaj fitoreje, Marseille renditet në vendin e dytë, në tabelën e Ligue 1, me 13 pikë, po aq sa PSG e vendit të parë dhe Monaco e vendit të tretë.

Ndërkaq, në sfida të tjera të së dielës, Monaco fitoi ndaj Le Havre me rezultatin 3-1, Nantes barazoi 1-1 në fushën e Angers, Montpellier përmbysi Auxerre në fitoren 3-2, ndërsa Brest mposhti pastër 2-0 skuadrën e Toulouse.