Prishtina dhe Drita e kanë kompletuar gjysmëfinalen e Kupës së Kosovës në futboll.
Dy skuadrat Bardhekaltër i fituan me lehtësi përballjet përkatëse në fazën e çerekfinales.
Kryeqytetasit e mposhtën Vëllaznimin me rezultat të thellë, 4:0, shkruan “Gazeta Express”.
Golat për prishtinasit i shënuan Yakubu, Bytyqi, Raçi e Shillova, ndërsa Kuqezinjve iu anulua goli i Osman Mëziut në pjesën e parë përmes sistemit VAR.
Ndërkohë, gjilanasit fituan me rezultat identik 4:0 ndaj Prishtinës së Re.
Golat për “Intelektualët” i realizuan Broja, Selmani, Manaj dhe Zulfiu.
Paraprakisht, kualifikimin në gjysmëfinale dje e siguruan Llapi dhe Drenica, të cilët i eliminuan Malishevën respektivisht Ferizajn. /Gazeta Express
