Malishevës nuk njeh kundërshtar.

Skuadra e udhëhequr nga Bekim Isufi e ka përmbysur Suharekën, për ta vazhduar kryesimin e renditjes tabelare në elitën futbollistike në Kosovë, raporton Klankosova.tv.

Vendasit e mbyllën pjesën e parë në epërsi, pasi Mevlan Zeka shënoi që në minutën e tetë.

Megjithatë mysafirët me të filluar fraksioni i dytë, shpërthyen në stadiumin e qytetit të Suharekës, duke realizuar plot tri herë.

Fillimisht rezultati u barazua nga Arlind Veliu në minutën e 58, kurse avantazhin skuadrës së tij ia dha Fatjon Bunjaku, pesë minuta më vonë.

Vulën e 3 pikëve të reja, e vendosi goli i Drilon Hazrollaj nga penalltia, tetë minuta para se të përfundonte koha e rregullt, njofton Klankosova.tv.

Pas këtij triumfi, Malisheva udhëheq renditjen tabelare me 17 pikë, 3 më shumë se sa përcjellësit, Ballkani e Llapi që kanë grumbulluar nga 14 sosh.

Xhiro e 8-të e Albi Mall Superligës së Kosovës në futboll do të mbyllet sot me dy duele tejet interesante.

Ndeshja kryesore e ditës është padyshim ajo mes Llapit dhe Ballkanit.

Kampioni vjen pas një fitore të thellë në shtëpi 4-0 ndaj Ferizajt, teksa llapjanët po ashtu triumfuan thellë ndaj Suharekës me rezultat 3-0 në shtëpi, e cila ishte fitorja e tretë rresht e tyre në kampionat, shkruan Sinjali Sporti.

Dy skuadrat që do të luftojnë të marrin kreun e tabelës kanë bilanc identik pas 7 xhirove të luajtura, me ‘portokallinjtë’ që ndodhen aktualisht në vendin e tretë me 13 pikë, po aq sa ka edhe Llapi në një pozitë më poshtë.

Dueli i fundit mes tyre i zhvilluar në “Zahir Pajaziti” ishte ndeshje ‘historike’ për Ballkanin, të cilët siguruan titullin e ligës për herë të tretë rresht, pas një fitore 1-0 me golin e Bernard Karricës.

Ndeshja tjetër interesante është ajo mes Suharekës dhe Malishevës.

Malisheva ndodhet lider në Superligë me 14 pikë por ndeshjen e fundit u ndal me barazim 1-1 në udhëtim ndaj Feronikelit 74.

Suhareka ndërokohë fundjavën e kaluar u njoftua me humbjen e parë në kampionat, duke pësuar disfatë 3-0 ndaj Llapit.

Suharekasit ndodhen në pozitën e 6-të me 13 pikë, duke ndarë pikët me Prishtinën, Ballkanin, Llapin dhe Dritën.

Të dyja duelet fillojnë nga ora 15:00.

Prishtina ndal tre pikë në cilësinë e vendasit.

Bardhekaltrit luajtën si vendas në stadiumin “Bajram Aliu” në Skenderaj.

Prishtina ngadhënjeu me rezultat 2:0 ndaj Feronikelit 74.

Futbollisti Llugiqi shënoi në minutën e 40-të e Ngatta në atë të 90+4..

“Nikli” ka pësuar humbjen e 7-të, ka vetëm një barazim në 8 javët e deritashme.

Prishtina renditet në pozitën e tretë me 13 pikë (një ndeshje më pak) dhe Feronikeli në fund ka vetëm një pikë.