Ishin padyshim sfida plot surpriza, sidomos ajo e “Anfield Road”, mes Liverpool e Nottingham Forest, me këta të fundit që kanë shtangur “Të Kuqtë” e Arne Slot, duke i mundur minimalisht, 0-1.
Goli i vetëm i sfidës erdhi në minutën e 72’-të, me ish-talentin e “Bluve”, Callum Hudson-Odoi, që përkthen në gol në pasim perfekt të Elanga, duke “prezantuar” Liverpool me humbjen e parë të sezonit.
Në orën 16:00 zhvilluan përballjen e javës së katërt edhe “Qytetarët” e Manchester City, ku ndryshe nga rivalët e tyre bënë detyrën në “shtëpi”, duke mundur me përmbysje skuadrën e Brentford, me sfidën që u mbyll me shifrat 2-1.
Për miqtë e Brentford goli erdhi nga kongolezi Yoane Wissa, i cili tundi rrejtën e Ederson, që në minutën e parë të sfidës, mirëpo një super Erling Haaland realizoi një dopietë të shpejtë në minutat 19’ e 32’, duke siguruar fitoren për djemtë e teknikut Pep Guardiola.
Ndërkaq, tre përballjet e tjera të orës 16:00 u ndalën në barazime, më konkretisht sfida Brighton-Ipswich Town u mbyll në shifra 0-0, përballja Crystal Palace-Leicester, në shifrat 2-2, ndërsa përplasja e Londrës mes Crystal Palace e West Ham përfundoi me rezultatin 2-2.
