Ilir Daja i fund aventurës gati tre vjeçare në drejtimin e FC Ballkanit, bëjnë me dije mediet në Kosovë

Në drejtimin e Ballkanit, Daja shkroi historinë duke u shpallur për herë të parë kampion me të, një rezultat të cilin e përsëriti por më shumë se kaq, Ballkani u shndërrua në skuadrën e krenarisë së Shqiptarëve në vitet e fundit ku arriti për dy vite radhazi të kualifikohet në fazën e grupeve të UEFA Conference League.

Pas ndeshjes me Malishevën, ku Ballkani pësoi humbje me rezultat 3-2, Ilir Daja u përshëndet me lojtarët e tij, raportojnë mediat në Kosovë.

Java e tretë e kampionatit “Abissnet Superiore” do të luhet të shtunën dhe të dielën. Takimi i parë i kësaj jave do të jetë Laçi – Bylis. Sfida do të zhvillohet në stadiumin e Laçit duke nisur prej orës 17:00.

Të shtunën do të luhen edhe dy takimet të tjera në orën 20:00. Në stadiumin e Korçës, Skënderbeu do të përballet me Vllazninë, ndërsa në “Niko Dovana” do të luhet ndeshja Teuta – Partizani.

Të dielën do të zhvillohen dy ndeshjet e fundit të javës së tretë të kampionatit “Abissnet Superiore”. Të dyja takimet do të luhen në orën 20:00. Në stadiumin “Elbasan Arena” Dinamo City do të përballet me AF Elbasanin, ndërsa në “Niko Dovana” do të luhet ndeshja Tirana – Egnatia.

Elbasani mori fitoren e parë në Abissnet Superiore dhe këtë e bëri duke mposhtur pastër Teutën me rezultatin 3-0.

Paraqitje e shkëlqyer nga verdheblutë, që bindin në këtë sezon të ri. Pas barazimit me Skënderbeun në javën e parë, Elbasani merr 3 pikët e para në kampionat dhe ngjitet në vendin e dytë.

Sa i përket ndeshjes, pjesa e parë u mbyll me avantazhin minimal të skuadrës së Bordin. Në minutën e 30-të, Dros me një supergol nga jashtë zone, zhbllokoi sfidën.

Fraksioni i dytë i lojës nuk kishte shumë histori, me vendasit që ishin dominues në “Elbasan Arena”.

Në minutën e 48-të, Ardit Hila dyfishoi shifrat, ndërsa për të vulosur takimin në 3-0 mendoi Arsen Kasa, që shënoi në minutën e 77-të.

Në fund, festa ishte legjitime për Elbasanin, ndërsa Teuta në krahun tjetër pëson humbjen e parë për këtë sezon.