Connect with us

UEFA Europa League

“Paqe” mes Fenerit e Man Unitedit, fiton Tottenhami

Published

on

Manchester Unitedi nuk ka marrë më shumë se një pikë në udhëtim te Fenerbahce, derisa Tottenhami shënoi fitore minimale kundër Alkmaar.

“Djajtë e Kuq” u ndalën në një barazim 1:1 te skuadra turke, sfidë që doli të jetë shumë e baraspeshuar nga fillimi.

Man Unitedi e nisi më mirë me Christian Eriksen që shënoi pas asistimit të Joshua Zirkzee (15’).

Feneri kishte disa raste shënimi por që assesi s’ia doli ta thyente mbrojtjen mysafire, me Onanan, i cili bëri pritje të jashtëzakonshme.

Sidoqoftë, në fillimin e pjesës së dytë En Nesyri me një gol të bukur e barazoi rezultatin pas asistimit të Saint-Maximin (49’).

Sfida u bë edhe më dramatike pasi trajneri Jose Mourinho u ndëshkua me karton të kuq shkaku i ankesave të shumta për një penallti të supozuar te skuadrës vendase (58’).

Si Feneri ashtu edhe Unitedi vazhduan me lojë të bukur dhe rrezikuan prapë, por që në fund u “detyruan të pajtohen me nga një pikë”.

Unitedi tani zë vendin e 21-të me tre pikë në Ligën e Evropës, kurse Fenerbahce në vendin e 15-të me pesë sosh.

Në anën tjetër, Tottenhami me mund ka triumfuar në shtëpi ndaj AZ Alkmaar me rezultat minimal 1:0.

Londinezët ishin shumë herë më të mirë por që dëshpëruan në konkretizimin e rasteve.

Richarlison e bëri dallimin me një gol nga pika e bardhë (52’).

Tottenham renditet në pozitën e dytë në fazën e ligës të Ligës së Evropës me nëntë pikë, kurse Alkmaar në pozitën e 24-të me tre sosh.

Continue Reading

Lajmet në Trend

Copyright © 2021 LajmeSportive

Resize text