UEFA EURO 2024 Qualification

“Nuk e dua Turqinë në grup”, Gundogan përcakton favoritët e Euro 2024

Published

1 year ago

17 November 2023

Pasi arriti të fitonte “tripletën” me “qytetarët” e Manchester City, “arkitekti” gjerman i mesfushës, Ilkay Gundogan kaloi te “katalansit” e Barcelona, ku deri më tani ka zhvilluar plot 17 përballje, mes kampionatit dhe UEFA Champions League, ku ka arritur të shënojë 1 gol, si dhe të asistojë plot 5 të tjerë.

Këtë të premte, kapiteni i ri i Kombëtares gjermane ka dhënë mendimin e tij në lidhje me favoritët për të triumfuar në Kampionatit Evropian të futbollit, Euro 2024, kompeticion që do të zhvillohet verën e ardhshme në Gjermani, ku i vetmi kundërshtar që nuk do të përballet është Turqia.

“Franca është ndër skuadrat që unë i konsideroj favorite për fitimin e Evropianit. Më pas zgjedh Anglinë, skuadër që po zhvillon një futboll të shkëlqyer. Pas tyre vjen Portugalia, por nuk duhet të harrojmë që në garë jemi edhe ne (Gjermania) dhe Spanja. Shpresoj që mes favoriteve të jetë edhe Turqia. Do të gëzohesha shumë. Përveç Gjermanisë, skuadra që unë mbështes është padyshim Turqia. Shpresoj që të mos jem në një grup me ta”,- u shpreh mesfushori me origjinë turke.

UEFA EURO 2024 Qualification

Goditi kundërshtarin në miqësoren me Austrinë, Sane: Është faji im, nuk kisha asgjë personale me të

Published

1 year ago

22 November 2023

Perparim Beqiri

Gjermania humbi 2-0 miqësoren ndaj Austrisë, takim të cilin djemtë e Julian Nagelsmann e luajtën me një lojtar më pak prej minutës së 49’. Moment kur Leroy Sane u ndëshkua me karton të kuq.

Sane goditi në fytyrë Philipp Mwene dhe rrezikon të pezullohet me 3 ndeshje, duke humbur në këtë mënyrë miqësoret e ardhshme të Gjermanisë, veprim për të cilin sulmuesi i Bayern Munchen është penduar.

“Është faji im dhe i askujt tjetër. Unë duhet ta kontrolloj veten, pasi zhgënjeva skuadrën. Dua të qartësoj se nuk kisha asgjë personale me Philipp. Thjesht isha i motivuar në maksimum dhe doja që gjërat të shkonin në drejtimin e duhur”,- tha anësori i Bayern Munich.

UEFA EURO 2024 Qualification

Shorti i “EURO 2024” po afron, UEFA bën publike katër vazot, Shqipërinë e pret “grupi i ferrit”

Published

1 year ago

22 November 2023

Perparim Beqiri

Kroacia ka qenë kombëtarja e fundit që i ëhstë bashkuar listës së skuadrave që kanë siguruar kualifikimin në EURO 2024. Kështu, është plotësuar numri me 21 skuadrat e kualifikuara, ndërsa tre të tjera do t’u shtohen pas fazës së play-off, për të formuar 24 ekipet që do të marrin pjesë në turne.

Duket qartë që vazoja e parë mban skuadrat e mëdha, me Gjermanin, Portugalinë, Francën, Spanjën, Belgjikën dhe Anglinë.

Në të dytën, ndodhet Danimarka, Hungaria, Austria, Shqipëria, Turqia dhe Rumania. Në vazon e tretë ndodhet Skocia, Sllovakia, Çekia, Sllovenia, Holanda dhe Kroacia. Ndërsa në vazon e fundit, Italia, Zvicra, Serbia dhe tre fituesit e fazës play-off.

Shqipëria pritet të ketë një grup tepër të vështirë, ku me shumë gjasa nuk do të shmanget dot “grupi i ferrit”.

UEFA EURO 2024 Qualification

Kroacia e kualifikuara e fundit, Turqia e mbyll grupin D në vendin e parë

Published

1 year ago

21 November 2023

Perparim Beqiri

Kanë përfunduar dhe sfidat e fundit të fazës kualifikuese të Kampionatit Evropian të futbollit, Euro 2024, ku në grupin D, le të themi, që nuk ka patur asnjë surprizë përveç mungesës së goleadës, në fitoren e Kroacisë.

Kështu, Kroacia e Zlatko Dalic është bërë Kombëtarja e fundit, e cila kualifikohet për në fazën e grupeve të Kampionatit Evropian të futbollit, Euro 2024, me golin e Ante Budimir, që mjaftoi ndaj kundërshtarëve armenë, për të gjetur 3 pikët e arta, që siguruan pjesëmarrjen në Euro 2024, për skuadrën e teknikut Zlatko Dalic.

Në krahun tjetër, Turqia nuk ka shkuar më shumë barazimi, 1 me 1, ndaj “Dragonjve” të Uellsit. Nga një gol i Neco Ëilliams e Yusuf Yazici mjaftuan për të “vulosur” fatet e sfidës, por edhe vendin e parë të skuadrës së italianit Vincenzo Montella, në grupin D.