Ish sulmuesi John Obi Mikel thotë se Chelsea kishte arritur marrëveshje personale me Victor Osimhenin, por marrëveshja dështoi shkaku i disa detajeve të vogla.

Chelsea bëri një lëvizje të vonshme për të nënshkruar me nigerianin, por që skuadra e Premierligës nuk ishte në gjendje ta kompletonte marrëveshjen.

Obi Mikel ka zbuluar se luajti rol në negociatat mes dy palëve, por që marrëveshja ishte vetëm disa orë larg finalizimit.

“E di çfarë Victor dëshironte, çfarë i ofroi klubi. Në fund morëm pak kompromis nga dy palët, ishin thjesht disa gjëra të vogla, dokumente, testet mjekësore dhe disa probleme që nuk i mbyllëm shkaku që nuk kishim kohë”.

“Të dy palët vërtetë luajtën rol për ta mbyllur marrëveshjen dhe e propozova te Chelsea sepse i shoh ambiciet se ku duan ta dërgojnë klubin dhe nga ana e Victorit, se sa dëshironte të vinte”.

“Ishte i zhgënjyer që nuk ndodhi. Fola kur u mbyll afati, biseduam për 20 minuta, i thashë: “Jam këtu për ty, mbaje kokën poshtë, duhet të punosh shumë, vazhdo stërvitu. Nuk është situata më e mirë, por je i fortë”.

Ndërkohë, Osimhen kaloi te Galatasaray në formë huazimi pa opsion blerje, por ka raportime se mund të largohet qysh në janar.

Liverpooli e ka mposhtur me rezultat të thellë 3:0 Manchester Unitedin në shtëpinë e saj në Old Trafford, në kuadër të javës së tretë të Premierligës.

Të kuqtë nga Merseyside vazhdojnë me pikë të plota, ashtu si Manchester City, teksa Djajtë e Kuq kanë vetëm një fitore, duke pësuar kështu edhe humbjen e dytë me radhë.

Përballja në Old Trafford ishte e balancuar në tërësi, por skuadra e Arne Slot ishte shumë më konkrete, duke shënuar në të gjitha rastet që gjuajtën në drejtim të Andre Onanën, e në anën tjetër vendasit nuk i konkretizuan rastet e mira.

Luis Diaz shënoi golin e parë të ndeshjes në minutën e 35-të, i asistuar nga Mohamed Salah, por që mysafirëve paraprakisht VAR ua kishte anulua një gol për pozitë jashtë loje.

Kolumbiani e shënoi shpejt edhe golin e dytë personal. Saktësisht në minutën e 42-të, Salah asistoi përsëri e Diaz e çoi topin në rrjetë për 2:0, rezultat me të cilin u mbyll pjesa e parë e takimit.

Në 45 minutat në vazhdim u shënua vetëm një gol, teksa Alisson bëri dy pritje të mira, për të ndihmuar skuadrën të mos pësonte gol në këtë takim.

Golin për rezultatin përfundimtar 3:0 e shënoi Mohamed Salah në minutën e 56-të, me hungarezin Dominik Szoboszlai që ishte në rolin e asistuesit.

Crystal Palace kthehet me një pikë të madhe nga derbi i Londrës që u zhvillua në stadiumin “Stamford Bridge”.

Chelsea zhgënjeu tifozët e vet me këtë barazim me rezulktat 1:1 në duel me Crystal Palacen, në kuadër të javës së 3-të të Premier League.

Jackson shënoi në minutën e 25-të pas asistimit të Palmer. 

Kjo epërsi e vendasve ka zgjatur deri në minutën e 54-të, kur Eze i Crystal Palace ka barazuar rezultatin 1:1.

Chelsea renditet në pozitën e 11-të me 4 pikë e Crystal Palace në të 16-tin me 1.

Crystal Palace pas dy humbjeve shijoi pikën e parë në edicionin e ri..