Përzgjedhësi i Spanjës Luis de la Fuente thotë se nuk ka ndonjë kundërshtar favorit për finalen e “Euro 2024”.

“La Roja” bëri një përmbysje ndaj Francës për t’u kualifikuar në finalen e Kampionatit Evropian, aty ku do ta pret fituesin e përballjes Angli – Holandë.

Sidoqoftë, La Fuente insiston se nuk i intereson se më kë do të përballet ngase të dy kombëtaret do të jenë rival në nivel.

“Nuk ka rëndësi se kush kundërshtari është, tashmë kemi parë rrugëtimin që kemi bërë në Euro 2024”.

“Janë dy rivalë të mëdhenj dhe po i presim me duart e hapura”.

I pyetur nëse do të ishte më e mira për futbollin nëse Spanja mposht Anglinë në finale, La Fuente u përgjigj: “E tëra që bëjmë është të provojmë dhe të jemi të fortë në idenë tonë”.

“Jemi të lumtur që kemi arritur në finale. Kemi qenë në gjendje të mbërrijmë në finale dhe ta dërgojmë Spanjën në vendin që i përket në sport”.

Përndryshe, përballja Angli – Holandë do të nis me fillim nga ora 21:00, derisa finalja zhvillohet të dielën.

Rrugëtimi i Gjermanisë në Kampionatin Evropian të Futbollit “Euro 2024” përfundoi të premten e shkuar mes shumë kritikave dhe pakënaqësive, në sfidën e luajtur kundër spanjollëve.

Një rast i pretenduar nga Kombëtarja e Gjermanisë për penallti, ka nxitur polemika të shumta dhe akuza për mënyrën e arbitrimit.

Për këtë situatë, tifozët e Gjermanisë kanë firmosur një peticion me anë të të cilit kërkojnë heqjen e Anthony Taylor nga lista e gjyqtarëve të UEFA-s. Në peticion, tifozët gjithashtu kërkojnë përsëritjen e sfidës mes Gjermanisë dhe Spanjës.

Ata janë të zemëruar me arbitrin anglez dhe ekipin e VAR për mohimin e një penalltie pasi spanjolli Marc Cucurella preki topin me dorën në zonë, në përpjekje për të frenuar një goditje të fortë të futbollistit gjerman Jamal Musiala.

Spanja thelloi shifrat në 2-1 në minutën e 119, me autor Mikel Merino, duke vulosur fitoren e kontestuar përballë mikpritësve të “Euro 2024”

Ylli i Anglisë dhe Real Madridit, Jude Bellingham, e ka krahasuar golin e tij kundër Sllovakisë me realizimin ikonik të Cristiano Ronaldos ndaj Juventusit, por ishte i vetdijshëm që goli i tij nuk ishte aq i mirë sa i 39-vjeçarit.

Anglia dukej se do të eliminohej prej Euro 2024 nga Sllovakia, vetëm me golin akrobatik të lojtarit të Real Madridit në minutën e 95-të për të shpëtuar ekipin e tij dhe për ta çuar ndeshjen në vazhdime. Goli me kokë i Harry Kane vulosi fitoren ndërsa Tre Luanët kaluan në çerekfinale. Bellingham ka thënë që atëherë se ndihej si legjenda e Mbretërve, Ronaldo – i cili shënoi një gol të jashtëzakonshëm për Real Madridin kundër Juventusit në Ligën e Kampionëve në vitin 2018. Megjithatë, 21-vjeçari ndjeu se realizimi i 39-vjeçarit ishte më e mirë se i tij.
Jude Bellingham Cristiano Ronaldo gol me goditje nga lart

Ai për Diary Room në kanalet e mediave sociale të Anglisë, tha: “Ishte me të vërtetë instinkt më shumë se çdo gjë, ra në vendin e përsosur, topi ishte pak pas meje. Kur isha në ajër mendova ‘Zoti im, unë jam dy metra nga toka, dhe më dukej si Cristiano Ronaldo’, por e shikova përsëri dhe e pash që kisha një krah në tokë, kështu që nuk ishte shumë akrobatike! Por unë mendoj se ishte një kontakt i bukur dhe kur u ktheva në tokë dhe sapo e pashë atë top duke shkuar në rrjetë, mendova ‘Oh im Zot’; ishte padyshim një nga momentet më të rëndësishme dhe më të paharrueshme të karrierës sime deri më tani.”

Ndërsa Bellingham e shpëtoi nga turpërimi Anglinë, lojtarët e Gareth Southgate do të duhet të përmirësohen shumë nëse duan të kalojnë më tej në këtë turne. Vetë Bellingham pati një shfaqje jo të mirë deri në momentin e tij të magjisë dhe nëse do të duan të mundin Zvicrën në 1/4 e finales, ish-ylli i Borussia Dortmundit gjithashtu do të duhet të rrisë nivelin e tij.
Jude Bellingham Angli Euro 2024

Kombëtarja e Bellinghamit do të përballet me Zvicrën në Merkul Spiel-Arena në Dusseldorf të shtunën në mbrëmje. Nëse e fitojnë atë ndeshje, ata do të përballen ose me Holandën ose me Turqinë në gjysmëfinale të Evropianit.