Sot pritet të luhet ndeshja e mbetur e javës së parë të Superligës së Kosovës në futboll.

Përballë njëra – tjetrës do të jenë Drita dhe Malisheva.

Loja do të zhvillohet në Gjilan me fillim nga ora 15:00.

Pas pesë xhirosh, Malisheva ka grumbulluar 10 pikë, me një ndeshje më pak, kurse Drita vetëm tri pikë tri ndeshje më pak.

Trajneri i ekipit nga Gjilani, Zekirja Ramadani, u shpreh se skuadra e drejtuar nga Bekim Isufi, ka potencial të madh.

“FC Malisheva nuk është befasi, ka potencial brenda grupit. Neser na pret ndeshja FC DRITA – FC Malisheva, ndeshje e xhiros së parë e mbetur pa u zhvilluar për shkak të angazhimeve tona në Evropë”, u shpreh ai.

Gjilani ka arritur të shënoj fitoren e parë për edicionin e ri të Superligës së Kosovës në futboll.

“Skifterat” mposhtën Feronikelin ’74, me rezultat 2-0, shkruan Gazeta Express.

Ndeshja nis shumë mirë për vendasit kur në minutën e tretë Jarovic gjeti golin e epërsisë fillestare.

Të drejtuarit e Ardian Nuhit dy minuta pa mbaruar pjesa e parë shënuan edhe golin e dytë me Bilalin.

Pjesa e dytë ishte më e qetë sa i përket rasteve, Jarovic humbi një mundësi të mirë shënimi pas një gafe në mbrojtjen e Niklit, mirëpo ai gjuajti jashtë.

Deri në fund gola nuk pati dhe kështu gjilanasit arkëtuan tri pikë të mirëseardhura për vazhdimin e kampionatit.

Pas pesë xhirosh, Gjilani ka pesë pikë dhe ndodhet në pozitën e shtatë, kurse Nikli është i fundit pa pikë./Gazeta Express

KLIKO KETU