Premier League

“Mund të jetë një shenjë” – Gundogan tregon arsyen se pse zgjodhi numrin 19 te Manchester City

Published

4 months ago

23 August 2024

Ilkay Gundogan është përsëri lojtar i Manchester Cityt dhe kësaj radhe do ta mbajë numrin 19, teksa ka treguar arsyen e tij që fshehet pas kësaj zgjedhje.

Vetëm një vit pasi u largua nga Manchester City për në Barcelonë, Gundogan është rikthyer në Etihad Stadium si transferim i lirë dhe ka nënshkruar një kontratë njëvjeçare me klubin. Reprezentuesi gjerman ka zgjedhur të veshë numrin 19, të cilin më parë e mbante Leroy Sane te City.
Ilkay Gundogan Man City

Gundogan veshi fanellën me numrin tetë për shtatë vjet gjatë qëndrimit të tij të parë në Manchester City. Megjithatë, me Mateo Kovacic që tani ka veshur atë numër specifik të fanellës, 33-vjeçari tani ka shpjeguar pse zgjodhi numrin 19. Ai e bëri këtë pavarësisht se numrat 21 dhe 22 ishin në dispozicion për përzgjedhje, numra që ai kishte veshur për Gjermaninë dhe Barcelonën, përkatësisht.
SSC Napoli – FC Barcelona: Ndeshja e parë e raundit të 16 – UEFA Champions League 2023/24

Duke folur për mediat e klubit, Gundogan tha: “Mendova pak rreth kësaj. Numrat 21 dhe 22 ishin gjithashtu të lirë – unë kisha numrin 22 vitin e kaluar në Barcelonë dhe 21 në Kombëtaren gjermane, por nuk fitova asnjë trofe me këta numra, kështu që mendova se numri 19 ishte midis 18 dhe 20 – dy miqtë e mi Bernardo Silva dhe Stefan Ortega, kështu që kjo mund të jetë një shenjë. Unë thjesht shkova për këtë – le të shohim. Shpresoj se nuk është numri që do të ketë një ndikim të madh, shpresoj se ndikim do të ketë mënyra si luaj dhe sillem dhe mënyra se si do të jemi si ekip. Mund t’ju siguroj se do të përpiqemi për të dhënë më të mirën që të fitojmë më shumë trofe.”

33-vjeçari ishte pjesë e përgatitjes parasezonale të Barcelonës dhe është plotësisht i gatshëm të fillojë drejtpërdrejt përgatitjet e ndeshjes me Manchester Cityn dhe mund të jetë pjesë e skuadrës së Guardiolës për përballjen e Cityt kundër Ipswich Town të shtunën, më 24 gusht.

Premier League

Dëshpëron Arsenali, ndalet nga Fulhami

Published

4 days ago

8 December 2024

Perparim Beqiri

Arsenali ka bërë një tjetër hap mbrapa në garën për titull, këtë herë në udhëtim te Fulhami.

“Topçinjtë” u ndalën në një barazim 1:1, në kuadër të xhiros së 15-të në Premierligë.

Fulham ishte skuadër më e mirë në pjesën e parë dhe me plot meritë e mbyllën në avantazh.

Raul Jimenez me një finalizim fantastik pas asistimit të Kenny Tetes i dha epërsinë Arsenalit (11’).

Arsenali lehtësisht mund ta barazonte rezultatin përmes Bukayo Sakas, mirëpo anglezi nuk shfrytëzoi dy-tre mundësi.

Në pjesën e dytë, ishte Willian Saliba që e barazoi rezultatin pas asistimit të Kai Havertz (52’).

Arsenali në fakt e gjeti rrugën drejtë rrjetës prapë – këtë herë me Sakan mirëpo që goli u anulua nga VAR-i shkaku i një pozitë jashtë loje në ndërtimin e aksionit.

Kësisoj, Arsenali renditet në pozitën e dytë me 29 pikë ndërsa Fulham zë vendin e nëntë me 23 sosh.

Premier League

Shtyhet ndeshja Everton – Liverpool, shkak moti i keq

Published

6 days ago

7 December 2024

Perparim Beqiri

Derbi në Merseyside i së shtunës në Goodison Park është shtyrë për shkak të kushteve të pafavorshme atmosferike.

Klubi Everton kërkon falje që ndeshja në fjalë nuk mund të zhvillohet sot, duke i falënderuar tifozët e tyre për mirëkuptimin.

“E vlerësojmë se kjo do të jetë thellësisht zhgënjyese për tifozët, siguria e tifozëve, stafit dhe lojtarëve është e një rëndësie të madhe. Informacionet në lidhje me një datë tjetër për ndeshjen do të publikohen në kohën e duhur”.

“Të gjitha biletat e blera për ndeshjen e sotit e do të mbeten të vlefshme për ndeshjen e ardhshme që do të organizohet sërish”, ka thënë klubi anglez në një deklaratë të lëshuar.

Ndërsa, Policia e Merseyside ka këshilluar njerëzit që janë duke udhëtuar të shtunën për në këtë pjesë të Britanisë së Madhe, të jenë të kujdesshëm për shkak të motit jo të mirë, shkruan SkySports, transmeton Klankosova.tv.

Premier League

Amorim për humbjen e parë si trajner i Man Utd: Humbëm nga goditjet standarde

Published

1 week ago

5 December 2024

Perparim Beqiri

Trajneri i Manchester Unitedit, Ruben Amorim pranoi se goditjet standarde të Arsenalit ishin faktori vendimtar në fitoren e tyre 2-0 ndaj ekipit të tij.

Arsenali mposhti Unitedin me rezultat 2-0 në ndeshjen e zhvilluar të mërkurën mbrëma në Emirates, duke ia shkaktuar humbjen e parë portugezit Amorim.

“Goditjet standarde ndryshuan lojën. Ne mund të ishim më agresivë në zonën e Arsenalit”, ka thënë fillimisht Amorim.

“Deri tek ndërprerjet, loja nuk pati shumë mundësi për të dyja ekipet, goditjet standarde e vranë lojën”.

Amorim pranoi se aftësia e Arsenalit për të mbushur zonën me lojtarë e bëri të vështirë që ekipi i tij të mbrohej kundër goditjeve standarde.

“Ata mund të vendosin shumë lojtarë pranë portierit dhe është pothuajse e pamundur të luftosh për topin”.

Pavarësisht humbjes, Amorim vlerësoi angazhimin dhe organizimin e skuadrës së tij, por në fund pranoi se goditjet standarde të Arsenalit ishin ndryshimi.

“Ne ishim të përkushtuar dhe humbëm në goditje standarde”, përfundoi trajneri i Unitedit.