UEFA Champions League

Milan fiton “finalen e finaleve”, Leao “zgjohet” në “Bernabeu”

Published

4 weeks ago

5 November 2024

Ishte padyshim një përballje e denjë për t’u quajtur “finalja e finaleve”.

“Djajtë” e Milan kanë arritur të sigurojnë një fitore të madhe mbrëmjen e kësaj të marte, teksa në mitikun spanjoll të “Santiago Bernabeu” kanë arritur të mundin me shifrat e thella, 3-1, “Galaktikët” e Real Madrid, në sfidën e vlefshme për xhiron e 4- të fazës ligës së UEFA Champions League.

Të parët që gjetën rrugën e rrjetës ishin pikërisht “Djajtë”, të cilët filluan festën në minutën e 12’-të falë golit të Malick Thiaw, mirëpo nuk zgjati shumë dhe vetëm 9 minuta më vonë “ylli” brazilian Vinicius Junior barazoi shifrat nga pika e bardhë e penalltisë, megjithatë kjo vetëm sa do të “inatoste” më shumë “Kuqezinjtë”.

Djemtë e tekniku Paulo Fonseca arritën të gjejnë edhe dy herë të tjera rrugën e rrjetës fillimisht në minutan e 39’-të falë spanjolli Alvaro Morata e më pas në minutën e 73’-të, falë mesfushorit holandez, Tijjani Reijnders, teksa fantastik në të dy golat e “Djajve” ishte edhe “ylli” Rafael Leao, i cili dhuroi pasimet deçizive.

Falë këtij rezultati, Milan ngjitet në vendin e 18-të të renditjes me 6 pikë, po aq sa “Galaktikët” e Real Madrid të një vendi më sipër, me këta të fundit që kanë një golavarazh më pozitiv se italianët. /i.m /abcnews.al

UEFA Champions League

ESPN: Autobusi i Real Madridit u aksidentua pas humbjes ndaj Liverpoolit

Published

3 days ago

29 November 2024

Perparim Beqiri

Autobusi i Real Madridit u përfshi në një përplasje të enjten, duke u kthyer nga udhëtimi i tyre nga Liverpooli në Spanjë pas humbjes 2:0, siç raporton ESPN.

Real Madridi u mund 2:0 në Anfield, humbja e tyre e tretë në pesë ndeshjet e Ligës së Kampionëve këtë sezon, me golat e Alexis Mac Allister dhe Cody Gakpo, ku Kylian Mbappe e Mohamed Salah dështuan të shënonin nga penalltia.

Burimet thanë se lojtarët e Real Madridit nuk ishin në autobus në momentin e aksidentit dhe se dy drejtuesit që u përplasen kanë mbetur të padëmtuar.

Ngjarja ka qenë një përplasje e lehtë në të cilën janë përfshirë disa automjete dhe vetëm fenerët e autobusit të ekipit janë thyer. Skuadra e Real Madridit dhe stafi stërvitor nuk ishin në autobus sepse u kthyen në shtëpi me aeroplan nga Liverpooli të mërkurën mbrëma.

Pasojat e aksidentit janë regjistruar nga fansat të cilët kanë shpërndarë video të autobusit të dëmtuar në rrjetet sociale.

Real Madrid, si shumica e klubeve të mëdha evropiane, gjithmonë dërgojnë autobusin e tyre për përdorim në ndeshjet jashtë për arsye marketingu dhe logjistike.

Në rastin e udhëtimeve të Ligës së Kampionëve, klubi dërgon autobusin paraprakisht në mënyrë që të mund të marrë lojtarët pas mbërritjes në terminalin e aeroportit, t’i çojë në hotelin e tyre, më pas në stadium dhe përsëri në aeroport.

Pasi lojtarët janë larguar, shoferët kalojnë natën në qytetin ku luan Real Madridi dhe të nesërmen kthehen në Madrid.

UEFA Champions League

Spektakël dhe penallti të humbura në “Anfield”, Liverpool mund me 2 gola “Galaktikët” e Real Madrid

Published

5 days ago

27 November 2024

Perparim Beqiri

Këtë sezon duket të jenë me të vërtetë të pandalshëm.

“Të Kuqtë” kanë vijuar ecurinë e tyre fantastike, teksa mbrëmjen e kësaj të mërkure kaluan me sukses edhe pengesën “Real Madrid”, me Liverpool që fitoi 2-0 në “Anfield” ndaj “Galaktikëve”, në sfidën e vlefshme për xhiron e 5-të të fazës së parë së Champions League.

Dy gola në pjesën e dytë nga Alexis Mac Allister në minutën e 52’-të dhe Cody Gakpo në të 77’-n mjaftuan për fitoren e djemve të Arne Slot, ndërsa loja pa edhe dy penallti të humbura, fillimisht nga Kilyan Mbappe në minutën e 61’-të e më pas nga “faraoni” egjiptian, Mohamed Salah vetëm 9 minuta më vonë.

Kështu, falë kësaj fitoreje Liverpool ngjitet në krye të tabelës së Premier League, me 15 pikë, ndërsa Real Madrid mbetet në vendin e 24-t me vetëm 6 pikë. /i.m /abcnews.al

UEFA Champions League

Statistikë, mungesat, formacionet e mundshme: Gjithçka që duhet të dini për përballjen Liverpool – Real

Published

5 days ago

27 November 2024

Perparim Beqiri

Liverpooli është nikoqir i Real Madridit, në kuadër të xhiros së pestë në fazën e ligës të Ligës së Kampionëve.

“Reds” duan hakmarrjen ndaj skuadrës madrilene shkaku që s’dinë për fitore që nga viti 2008, derisa mysafirët shpresojnë ta rrisin këtë rekord.

Sidoqoftë, të dy gjigantët evropianë kanë mungesa të mëdha. Liverpooli është pa emra si Harvey Elliott, Alisson Becker, Federico Chiesa, Diogo Jota, kurse Trent Alexander-Arnold pritet të jetë vetëm në bankë rezervë.

Në anën tjetër, Real Madridi gjithashtu është pa shumë yje si Vinicius Junior, David Alaba, Eder Militao, Rodrygo dhe Aurelien Tchouameni.

Statistika:

Real Madridi ka barazuar në pjesën e parë ndërsa ka fituar në kohën e rregullt në tre përballjet e fundit ndaj Liverpoolit.

“Los Blancos” përndryshe kanë fituar shtatë nga tetë ndeshjet e fundit kundër “Reds”.

Formacionet e mundshme:

Liverpool (4-2-3-1): Kelleher; Tsimikas, Van Dijk, Konate, Bradley; Allister, Gravenberch; Diaz, Jones, Salah; Nunez.

Real (4-4-2): Lunin; Vazquez, Acensio, Rudiger, Mendy; Valverde, Modric, Camavinga, Bellingham; Mbappe, Endrick.