Skuadra e AC Milan ka pësuar humbjen e dytë në kampionatin italian, pasi u mposht 2:1 ndaj Fiorentinas në javën e shtatë.

Pjesa e parë ishte tejet interesante, ku u shënua një gol dhe u humbën dy penallti, shkruan Indeksonline

Golin për 1:0 e shënoi mesfushori francez, Yacine Adli në minutën e 35’të.

Kurse penalltitë i humbën lojtarët, si: Moise Kean dhe Theo Hernandez.

Në pjesën e dytë, Milani barazoi shifrat në 1:1 me anë të Christian Pulisic. Kurse, Tammy Abraham humbi një 11-metërsh.

Golin për tri pikë për “violan” e shënoi Gudmundsson në minutën e 73’të.

Me këtë fitore, Fiorentina shkon në kuotën e 10 pikëve në pozitën e 11-të, kurse Milani mbetët me 11 pikë në pozitën e 6-të.

Penalltia e konkretizuar në minutën e 88-të nga rumuni Razvan Marin, është goli i parë që skuadra e Juventusit e ka pranuar këtë edicion.

Cagliari e barazoi rezultatin në “Alianz Stadium” të Torinos, duke ia mohuar “Zonjës së Vjetër” fitoren, njofton Klankosova.tv.

Vendasit e morën avantazhin poashtu nga pika e bardhë, përmes serbit Dusan Vlahoviq, por që nuk u mjaftoi për 3 pikë.

Skuadra e udhëhequr nga trajneri Thiago Motta ka dështuar ta kap vendin e dytë dhe t’i rrijë afër liderit, Napolit, raporton Klankosova.tv.

Ekipi i Amir Rrahmanit mbetet lider pas shtatë xhirove, me 16 pikë, pasuar nga kampioni aktual, Inter, që ka dy më pak, kurse Juventus është i treti me 13 sosh.

Paraqitja jo e mirë në derbin me Milanin i ka kushtuar shumë Kristjan Asllanit, i cili që prej atij takimi nuk ka marrë shumë minuta loje.

Ditën e sotme Interi do të sfidojë Torinon në “San Siro” dhe Simone Inzagi pritet që të ndryshojë përsëri ekipin krahasuar me formacionin, i cili luajti ndeshjen e vlefshme për Champions League në mesjavë.

Për duelin e sotëm Inzagi ka projektuar rotacion të rëndësishëm duke aktivizuar plot 7 lojtarë të ndryshëm nga 11-ja e cila mundi Cervena Zvezdën 4-0.

Mes emrave nuk figuron ai i Kristjan Asllanit. Për ndeshjen e sotme Inzagi i ka besuar Çalhanoglusë përsëri gabinën e regjisë.

Formacionet e mundshme

Inter (3-5-2): Zomer; Bisek, Açerbi, Bastoni; Darmian, Fratezi, Çalhanoglu, Mkhitarian, Dimarko; Lautaro, Thuram.

Torino (3-5-2): Milinkoviç-Saviç; Valukievic, Koko, Mazina; Pedersen, Riçi, Tameze, Iliç, Lazaro; Adams, Zapata.