Ernest Gjoka është trajneri i ri i Skënderbeut.

Një gjë e tillë është bërë me dije jo vetëm nga Gjoka por edhe nga presidenti i skuadrës korçare Ardjan Takaj, i cili ka pranuar se me Gjokën do të vijojë punën pas largimit të Ivan Gvozdenoviç, trajner i cili ka lënë shije të mirë në mjedisin korçar.

Menjëherë pas dorëheqjes së serbit nga pankina korçare, Takaj kontaktin e parë e ka patur me trajnerin Gjoka që ka drejtuar disa ekipe mbarëshqiptare dhe palët kanë rënë dakord për të bashkëpunuar së bashku jo vetëm për këtë sezon, por edhe për sezonin tjetër.

Tirana dhe Partizani kanë barazuar në derbin e sotëm, sfidë e vlefshme për javën e 15-të të Superiores. Ndeshja e zhvilluar në stadiumin “Air Albania”, përfundoi në barazim pa gola 0-0.

Një sfidë “fotokopje” me atë të fazës së parë, ku në derbi mungojnë përsëri golat. Edhe pse Partizani ishte më kërkues sidomos në pjesën e dytë, “të kuqtë” nuk ia dolën që të shënonin.

Vlen të përmendet që në minutën e 28-të u shënua një autogol nga Sembene, që solli festën e Tiranës. Por pas verifikimit në VAR ky autogol u anulua për shkak të një pozicioni të parregullt gjatë aksionit të Tiranës.

Gjithashtu në minutën e 98-të të sfidës, Pano Qirko priti një penallti të goditur nga Fatmir Prengaj. Kështu portieri i “Demave” kthehet në hero, duke nxjerrë të paktën 1 pikë nga kjo sfidë.

Me këtë barazim, Partizani mbetet në vendin e parë me 28 pikë, plus dy nga vendi i dytë që mbahet nga Egnatia. Në krahun tjetër, Tirana mbetet e 7-ta me 16 pikë të grumbulluara.

Superiorja ditën e sotme do të luajë 3 ndeshjet tjera të javës së 15-të.

Superiorja ditën e sotme do të luajë 3 ndeshjete tjera të javës së 15-të.

Gjithçka do të startojë me duelin mes Egnatias dhe Elbasanit, takim që do të luet në “Egnatia Arena” në orën 13:30. Një duel ku rrogozhinasit synonë vazhdimësinë, ndërsa verdheblutë tentojnë rikthimin te fitorja, e cila iu mungon prej disa muajsh.

Paralelisht do të luhet edhe sfida mes Laçit dhe Skënderbeut. Kurbinasit pas humbjes me Partizanin kërkojnë të rikthehet te rezultatet pozitive, ndërsa nga krahu tjetër Skënderbeu tenton gjithështu fitoren për t’iu larguar fundit. Një duel direkt për mbijetesë mes dy ekipeve, ku vetëm 1 pikë i ndaj në tabelën e klasifikimit.

Ndërkohë në orën 16:30 e gjithë vëmendja do të jetë vetëm në “Elbasan Aren”. Do të përballen mes tyre Dinamo dhe Teuta. Ashtu si “Blutë” edhe “Djemtë e Detit” prej disa ndeshjesh nuk e njohin fitoren dhe në “Elbasan Arena” nuk kanë rrugë tjetër veçse 3 pikëve.