Në futboll, sa do i famshëm të jesh, sado emër të madh të kesh, në fund të ditës ato që mbesin janë shifrat, shifrat flasin për një krizë të thellë që ka mbërthyer Real Madrid, në raste të tillë i pari që përfundon nën akuzë është trajneri, në këtë rast Carlo Ancelotti. Mediat spanjolle, mbi të gjitha ato pranë Real Madrid, Marca dhe AS nuk janë kursyer aspak këto ditë duke folur për një “realitet të hidhur” apo dhe për “revolucion”.

Një ndikim shumë të madhe në këtë situatë që po kalon Reali ka edhe Kylian Mbappe, mediat dhe tifozët e kanë vendosur në qendër të kritikave pas ndeshjes kundër Liverpool, ky ishte një test shumë i fortë për francezin pasi kishte peshën kryesore të fazës sulmuese, por Mbappe zhgënjeu në mënyrën më të keqe të mundshme.

Duke u rikthyer tek Ancelotti, fakt është që italiani ka qenë shumë i kushtëzuar nga dëmtimet dhe bëhet fjalë për mungesa si Vinicius jr, Rodrygo, Tchouameni, Carvajal, Alaba etj, plus nuk zëvendësuan një largim të madh si Kroos. Ancelotti bëri thirrje për qetësi pas humbjes kundër Liverpool, por në Spanjë të gjithë e dinë se Perez e urren të humbas.

Marca zbulon se Perez ka kërkuar një takim kokë më kokë me Ancelottin përpara sfidës kundër Getafe të dielën. Ky takim pritet të jetë përcaktues për pjesën e mbetur të sezonit, Ancelotti duhet të kuptojë nëse ka ende besimin e Perez. Italiani kërkon garanci, të paktën deri në fund të sezonit, për t’i hapur më pas rrugën Xabi Alonsos, me këtë të fundit që pritet të jetë në krye të një revolucioni të madh.

Real Madridi ka arkëtuar pikët e plota në udhëtim te Leganes, për t’iu afruar edhe më shumë Barcelonës.

“Los Blancos” zhvilluan një tjetër paraqitje solide duke triumfuar me rezultat 0:3.

Mbretërit ishin më të mirë nga fillimi, ku Kylian Mbappe shënoi pas 11 minutave por u anulua për pozitë jashtë loje.

Sidoqoftë, francezi pastaj i dha epërsinë mysafirëve pas asistimit të Vinicius Juniorit (43’).

Në pjesën e dytë, Reali ishte edhe më bindëse. Kapiteni Federico Valverde me një supergol nga gjuajtja e lirë e dyfishoi epërsinë (66’).

Ndërsa, ishte Jude Bellingham që e vulosi fitoren, ku shënoi me kokë pas një topi të kthyer (85’).

Reali tani ka 30 pikë, katër më pak se Barcelona, por me një ndeshje më pak të zhvilluar derisa Leganes qëndron në pozitën e 14-të me 14 sosh.

Barcelona është ndalur me barazim nga Celta Vigo në La Liga.

Katalonasit barazuan në udhëtim 2:2, ndonëse kishin epërsi të dyfishtë, shkruan Gazeta Express.

Raphinha kaloi mysafirët në epërsi në minutën e 15-të të ndeshjes, pas asistit nga Kounde.

Robert Leëandoëski e dyfishoi epërsinë në minutën e 61-të dhe u mendua se gjithçka mori fund sa i përket fituesit.

Megjithatë, kartoni i dytë i verdhë për mesfushorin e Barcelonës, Marc Casado në minutën e 82-të ndryshoi gjithçka.

Dy minuta më vonë, një gabim fatal i Koundes bën që Gonzales të përfitojë dhe të ngushtojë epërsinë.

Dy minuta më pas, Alvarez shënoi për 2:2 dhe epilogun e këtij takimi.

Përkundër barazimit, Barcelona mbetet lider me 34 pikë, shtatë më shumë se Real Madridi, që ka dy ndeshje më pak të luajtura.

Në anën tjetër, ky barazim e ngrit Celta Vigon në vendin e 11-të me 18 pikë të grumbulluara.