Interi nuk shkoi më shumë se barazimi 1-1 në transfertë ndaj Monzës, në duelin e vlefshëm për javën e katërt të Serisë A. Skuadra e Inzagit duket me mendjen nga Champions-i, teksa ditën e mërkurë do të përballet me Mançester Sitin në transfertë.  

Në këtë duel trajneri i kampionëve në fuqi të Serisë A, i besoi vendin e titullarit Kristjan Asllanit, i cili qëndroi në fushë 74 minuta.  

Dani Mota gjeti i pari rrugën e rrjetës në minutën e 81-të, ndërkohë për të shmangur humbjen mendoi Damfris në minutën e 88-të.  

Me këtë barazim Interi u ngjit në kuotën e 8 pikëve në 4 ndeshje, po aq sa Juventusi dhe Torino, ndërkohë që në duelin e radhës interistët do të përballen me Milanin.  

Roma edhe pas katër ndeshjeve nuk e ka gjetur fitoren në Serie A këtë sezon.

Skudra nga kryeqyteti i Italisë, sot barazoi 1-1 në udhëtim ndaj Genoas, duke e lëshuar fitoren nga duart në fund të ndeshjes, shkruan IndeksOnline.

Artem Dovbyk, i dha epërsinë ”verdhëkuqëve” në minutën e 37-të, gol ky i pari me fanellën e Romës. Me rezultat 0-1 u mbyll edhe pjesa e parë.

Por Genoa nuk u dorëzua dhe arriti ta barazonte rezultatin, disa sekonda para fundit të takimit.

Ishte mbrojtësi Koni De Winter ai i cili vulosi rezultatin përfundimtar 1-1.

Pas katër ndeshjeve, Genoa ka grumbulluar pesë pikë, derisa Roma vetëm tre pikë

Pritjes i erdhi fundi.

“Djajtë” e Milan kanë arritur më në fund të sigurojnë fitoren e parë për këtë sezon në Serie A, teksa kanë mundur në “San Siro” skuadrën e Venezia me rezultatin e thellë 4-0.

Fitorja u “vulos” që në pjesën e parë me Theo Hernandez, Mattia Gabbia, Christian Pulisic dhe Tammy Abraham që shënuan nga një gol në minutat 2′, 6′, 25′ e 29′.

Kështu, siç theksuam edhe më sipër “Kuqezinjtë” e Milan arritën fitoren e parë të këtij sezoni dhe të parën nën drejtimin e Fonseca sa i përket kompeticioneve.