Franca ka shënuar fitore ndaj Belgjikës, derisa Italia me mund arkëtoi pikët e plota në udhëtim te Izraeli.

Sfida më interesant ishte padyshim mes Francës e Belgjikës, ku vendasit fituan me rezultat 2:0.

Didier Deschamps që befasoi të gjithë duke e lënë në stol Kylian Mbappen, doli të jetë i saktë në vendime, sfidë që e dominuan nga fillimi.

Kolo Muani i dha epërsinë Francës (29’), derisa Dembele e vulosi çështjen e fituesit (57’).

Në anën tjetër, Italia i arkëtoi pikët e plota me rezultat të ngushtë 1:2 në udhëtim te Izraeli.

“Azzurët” regjistruan fitoren e dytë radhazi, duke zhvilluar prapë një ndeshje të mirë, për ta mbajtur kreun në Ligën e Kombeve.

Për Italinë rrugën drejtë rrjetës e gjetën Davide Frattesi (38’) dhe Moise Kean (62’), derisa golin e vetëm për Izraelin e shënoi Abu Fani (90’).

Itali mbetet lider me gjashtë pikë, derisa Franca e Belgjika kanë nga tre sosh, kurse Izraeli qëndron në fund pa pikë.

Trajneri i Qipros, Temur Ketsbaia analizoi humbjen 0-4 ndaj Kosovës.

“Jemi shumë të zhgënjyer me rezultatin dhe imazhin që patëm. Kur bën këto gabime, nuk mund t’i shmangesh humbjes.

Kemi problem sidomos në këtë periudhë, kur tani po fillojnë kampionatet. Lojtarët dhanë gjithçka që kishin në fillim. Nuk kemi luftuar dhe nuk kemi qenë konkurrues ndaj Kosovës.

Ne nuk ishim të freskët, nuk ishim ata që duhet të ishim. Shumë gjëra kanë faj, do të doja të ishte vetëm një.

Kishim edhe disa mungesa që mund të kishin dhënë diçka më shumë. Duhet të luani tri ndeshje në dy ditë dhe nëse nuk jeni gati, kjo tregon.

Është e vështirë, nuk ka qipriotë që luajnë në ligë. Kombëtarja nuk bazohet vetëm në 8 lojtarë, duhet të kesh më shumë.

Lojtarët që nuk morën pjesë, ishin më të mirë në fushë se të tjerët që morën pjesë.

Ka kaq shumë probleme sa nuk mund të thuash se çfarë është vetëm faji, gjëja më themelore është koha që kanë futbollistët qipriotë në ligë”, u shpreh trajneri i Qipros, Temur Ketsbaia.

Përzgjedhësi Franco Foda është ndarë i lumtur me fitoren ndaj Qipros, mirëpo ka refuzuar të komentojë përjashtimin e tre yjeve para ndeshjes.

Edon Zhegrova, Aro Muric e Florent Muslija u përjashtuan nga grumbullimi shkaku që thyen rregullat, megjithatë nuk është që u dhanë shumë detaje.

Pas fitores ndaj Qipros, Foda është pyetur për këtë situatë, sidoqoftë refuzoi të flet duke thënë se Federata ka publikuar komunikatën.

“Përjashtimi i tre yjeve? Federata e ka dhënë një komunikatë, unë dhe ekipi ishim fokusuar vetëm te ndeshja me Qipron”.

Ndërkohë, tekniku gjerman është ndarë i lumtur me fitoren e arritur dhe mënyrën si luajti skuadra, kurse komentoi edhe lëndimin e Vedat Muriqit.

“Kemi analizuar lojën e parë që Qipro e ka zhvilluar ndaj Lituanisë, ku fitoi me rezultat 1:0. Jemi fokusuar në përfundimin e aksioneve, më saktësisht si të luajmë në pjesën e tretë të fushës sepse Qipro është shumë kompakte. Por pasi shënuam herët golin e parë, e kishim më të lehtë të shënonim të dytin e pastaj të tretin dhe të katërtin”.

“Rrudhani luajti si mbrojtës, por t’iu kujtoj se është mesfushor i krahut, ndërsa nganjëherë luan edhe si sulmues. Por, kur kemi bërë analizën, kemi parë që kemi më shumë shpejtësi sidomos këto karakteristika që i ka Donati. Është shumë i mirë në rastet një kundër një, niset me shpejtësi të madhe prandaj vendosëm për ta”.

“Muriqi? Vedati ka shfaqur probleme të vogla edhe me Rumaninë, më pas në dy stërvitje nuk ka qenë me ekipin. Vendimi për të luajtur erdhi vonë, pra në mesditë kur bëri testimet e fundit. Por, në fundin e pjesës së parë ndjeu sërish dhimbje muskulore, prandaj e zëvendësuam”.

“Debutimi i Bujupit? Absolutisht Elioti ka treguar punë të madhe në stërvitje. Puna që ka bërë në stërvitje është arsyeja që i kemi dhënë minuta sonte. Është lojtar me potencial dhe besoj që e ardhmja e tij te Kosova është e madhe”.

“Patjetër duhet të tentojmë vetëm për fitore në muajin tetor, nëse duam të shpresojmë të përfundojmë të parët në grup. Duhet të kemi parasysh që kemi marrë përgjigje të mira nga futbollistët që kanë pasur ngritje në periudhën e fundit. Të shohim dhe të presim për lojtarët e ftuar për ndeshjet e tetorit”.

“E njëjta vlen për Lumbardh Dellovën, i cili ka qenë i lënduar në ditët e para dhe nuk ka stërvitur me skuadrën, por sonte e dëshmoi se është futbollist i rëndësishëm”.