Mohamed Salah ende nuk e ka rinovuar kontratën e tij me Liverpoolin, kësisoj duke lënë të hapura spekulimet për të ardhmen e tij.

Pas fitores së Liverpoolit ndaj Manchester Cityt në “Anfield,” Salah bëri një deklaratë lidhur me situatën e tij.

“Sinqerisht, është diçka që më rri në mendje. Deri tani, kjo mund të jetë ndeshja ime e fundit ndaj Cityt me fanellën e Liverpoolit, prandaj thjesht desha ta shijoja,” tha Salah për “Sky.”

Ai shtoi: “Do të shijoj çdo sekondë këtu. Shpresojmë që ta fitojmë kampionatin dhe pastaj të shohim se çfarë do të ndodhë.”

Fati i Salah te Liverpooli mbetet ende i paqartë, ndërsa tifozët shpresojnë për një zgjidhje pozitive.

Nuk mund të shkojë më keq.

“Qytetarët” e Manchester City kanë pësuar një tjetër disfatë të madhe, duke humbur kështu sfidën e 4-t radhazi, në elitën e futbollit anglez, Premier League, ku këtë herë u përballën me “gjigant” të “ishullit” siç janë edhe “Të Kuqtë” e Liverpool.

Pretendentët absolut për titullin kampion nuk bënë asgjë gabim në mitikun e “Anfield”, duke arritur të shënojnë dy herë në portën e Ortega, fillimisht me anë të Cody Gakpo, në minutën e 12’-të e më pas falë “faraonit” egjiptian, i cili i dha kundërshtarëve goditjen e “knock out”-it, pas ekzekutimit të një 11-metërshi në minutën e 78’-të.

Falë këtij triumfi, Liverpool shkon tashmë në kuotën e 34 pikëve, duke qëndruar plot 9 pikë nga vendet 2 e 3, Arsenal e Chelsea, ndërsa Manchester City bie në vendin e 5-të me 23 pikë. /i.m /abcnews.al