Lakersat me super rikthim fitojnë ndaj Clippersave

Published

9 months ago

29 February 2024

Los Angeles Lakers ka shënuar fitore me rikthim ndaj Los Angeles Clippers, me shifrat 116-112, në kuadër të ligës më të fortë në NBA.

Çereku i parë nisi ngushtë me Clippersat që e fituan me një pikë epërsi 30-29. Clippersat vazhduan të dominojnë edhe në çerekun e dytë me 36-23.

Edhe perioda e tretë ishte në favor të këtyre të fundit duke e mbyllur me 30-25. Megjithatë, periudha e fundit ishte përcaktuese për fitoren e Lakersave, të cilët e fituan 39-16.

Më i dalluari në fitoren e Lakersave ishte LeBron James me 34 pikë, gjashtë kërcime dhe tetë asistime.

Lakersat pas fitores renditen në vendin e nëntë me 32 fitore dhe 28 humbje. Ndërsa Clippersat në pozitën e katërt me 37 fitore dhe 20 humbje.

NBA/ Përmbyset situata, Denver dhe Indiana barazojnë në gjysmëfinalet e play-off

Published

7 months ago

13 May 2024

Perparim Beqiri

Përmbyset situata në sfidat gjysmëfinale të play off-it në NBA në të dyja konferencat. Në Perëndim, pas zhgënjimit në dy takimet e para në fushën e vet, skuadra kampione në fuqi e Denver ka triumfuar në dy ndeshjet e radhës në Minnesota, duke barazuar 2-2 serinë.

Nuggets fituan së fundmi 115-107, në një ndeshje me rivalitet dhe emocione shumicën e kohës. Nikola Jokic me 35 pikë ishte më i miri në fushë për Denver, mbështetur edhe Gordon me 27 pikë. Në kahun tjetër, Anthony Edwards realizoi 44 pikë për Minnesota-n, por që nuk mjaftuan për të evituar humbjen.

Edhe në Konferencën e Lindjes, barazim 2-2 mes New York e Indiana-s, me këtë të fundit që i fitoi dy sfidat në fushën e saj. Indiana triumfoi thellë 121-89 ndaj nju-jorkezëve. Haliburton me 20 pikë ishte lojtari më i mirë i Indiana-n, por dferencën e bëri stoli, nga ku erdhën 57 pikë. Për nju-jorkezët u dallua Burks me 20 pikë, por që mbetën për statistikë.