Janë shitur të gjitha biletat për ndeshjen Kosovë-Qipro.

Lajmin e ka bërë të ditur Federata e Futbollit të Kosovës.

Si rezultat, ‘Dardanët’ pritet ta mbushin stadiumin “Fadil Vokrri”.

Kosova e pret Qipron pas dy fitoreve radhazi.

Federata e Futbollit të Kosovës (FFK) ka njoftuar se stadiumi “Fadil Vokrri” do të mbyllet edhe për 25 ditë.

Në komunikatë thuhet se Dr. Tugrul Hocaoglu, doktori i agronomisë dhe ekspert i UEFA-s ka shpjeguar se bari është natyral pavarësisht kritikave, por ka nevojë për kohë për procesin e rritjes.

Kësisoj, FFK-ja do ta mbyllë edhe për 25 ditë të ardhshme “Fadil Vokrri”, i cili do të hapet kur Kosova ta pret Qipron në muajin tetor.

“Presidenti Agim Ademi dhe Ministri i Sportit Hajrulla Çeku vizituan stadiumin “Fadil Vokrri” së bashku me ekspertët e fushave nga UEFA.

Dr. Tugrul Hocaoglu, doktor i agronomisë dhe ekspert i fushave nga UEFA, i cili ka qenë përgjegjës për stadiumet e finales së Champions League, shpjegoi se bari natyral është në proces rritjeje dhe për këtë është e nevojshme kohë. Momentalisht, moti që po mbretëron është në favor të këtij procesi dhe puna do të kryhet intensivisht për një muaj.

Në 25 ditët e ardhshme, duke filluar nga dita e sotme, në stadiumin “Fadil Vokrri” në Prishtinë, nuk do të ketë asnjë aktivitet sportiv, as ndeshje as seanca stërvitore, sepse fusha do të punohet për të arritur qëllimin e të gjithëve, kompletimin e fushës hibride me rritjen e barit natyral në të.

Aktivitetet në fushën e stadiumit “Fadil Vokrri” do të rikthehen për ndeshjen e radhës të Kombëtares së Kosovës më 15 tetor”, thuhet ndër të tjera në komunikatë.

Kryetari i Federatës së Futbollit të Kosovës Agim Ademi thotë se Franco Foda i ka përjashtuar futbollistët dhe që FFK vetëm i ka dhënë “dritën e gjelbër” vendimit, duke shtuar se nuk i interesojnë kritikat e njerëzit.

Ramiz Shala të hënën mbrëma e akuzoi rëndë Ademin, duke pretenduar se ky i fundit i ka përjashtuar Edon Zhegrovën, Aro Muricin e Florent Muslijës dhe që i ka kërcënuar duke iu thënë “Ja u shkatërroj karrierën, ja u prishi fytyrën, këmbët bre ja u thej”.

I pyetur për përjashtimin e lojtarëve, Ademi në emisionin “Shqipëria Live” në “Top Channel” thotë se ishte vendim i Franco Fodas, ndërsa FFK vetëm e ka mbështetur.

“Pikë së pari duhet të respektohet rregullorja e cila u është komunikuar lojtarëve. Është shumë e rëndësishme për ekipin që ajo të respektohet. Përjashtimi i tyre ka qenë vendimi i trajnerit, pasi ata kanë dalë nga grumbullimi në orët e vona të natës. Sigurisht që ne kemi mbështetur mendimi ne trajnerit, sepse kjo është dhe rregullorja”.

Ndër të tjera, Ademi rikonfirmoi se nuk i interesojnë kritikat dhe shtoi se e ardhmja e Fodas nuk është në dyshime.

“Kombëtarja është e të gjithëve dhe shkon përtej Federatës. Nuk më intereson për ata njerëz që nuk kanë lidhje me këtë punë dhe bëjnë kritika, por vetëm për ata që kanë qenë të përfshirë dhe kanë bërë ankesa. Nuk kemi asnjë arsye për të folur për të ardhme ne trajnerit në këtë moment sepse sapo kemi fituar një ndeshje me lojë shumë të mirë. Ai punon për të mbajtur të bashkuar ekipin dhe për lojën e mirë, për të arritur rezultate. Një humbje kemi pësuar, të cilën nuk e prisnim, por gjithsesi puna vazhdon dhe trajneri e tregoi në Qipro se çfarë mund të bëjë”.