0
0
Trajneri i Liverpoolit, Jurgen Klopp ka komentuar gjendjen aktuale të ekipit të tij.
‘Reds’ nuk e kanë nisur aspak mirë sezonin e ri në Premier Ligë.
Pas tetë xhirosh të zhvilluara në ligën angleze, Liverpooli ka dy fitore, dy humbje dhe katër barazime.
Kështu duke zënë pozitën e 10 me vetëm 10 pikë të grumbulluara deri më tano.
Së fundmi ‘Reds’ pësuan disfatë 3:2 nga lideri i Premier Ligës, Arsenal.
Forma e klubit ka shtyrë trajnerin Klopp të pranojë se shanset e tyre për titull tashmë kanë përfunduar.
“Ne nuk jemi në garën për titull”, tha gjermani.
“Ne kemi probleme për momentin, por duhet të vazhdojmë. Në një situatë si e jona, do të dalim dhe do të luftojmë. Nuk jemi këtu për të qenë të kënaqur me situatën dhe për të menduar për vitin e kaluar”, përfundoi ai.
Në Ligën e Kampionëve ‘Reds’ kanë zhvilluar tri paraqitje, prej tyre dy janë fitore dhe një humbje.
