0
0
Tri ndeshje në kuadër të Superligës së Kosovës kanë përfunduar.
Gjilani kanë triumfuar në udhëtim te Malisheva me rezultat minimal 1-0.
Theophilus Solomon ishte realizator i golit të vetëm dhe të fitores për Gjilanin, në minutën e 52`.
Në minutën e 63` Malisheva kishte mundësi ta barazonte rezultatit nga pika e bardhë.
Megjithatë, Enea Koliçi priti me këmbë goditjen e Alban Shillovës, duke e ruajtur epërsinë e ekipit të tij.
Tani Gjilani pas 11 javësh ka 18 pikë në vendin e tretë në tabelë, teksa Malisheva renditet në vendin e parafundit me tetë sosh.
Dueli në stadiumin “Bajram Aliu” në mes Drenicës dhe Ballkanit përfundoi me rezultat 1-1.
Ishte ky barazimi i parë për kampionët aktual të Kosovës.
Fillimisht ishin ‘kuqezinjtë’ të cilët kaluan në epërsi përmes Osman Meziut në minutën e 57`.
Goli i barazimit erdhi në minutën e 81` nga Armend Thaqi.
Pas këtij barazimi, Ballkani mbetet në vendin e dytë në tabelë me 22 pikë, ndërsa Drenica ka 12 sosh në pozitën e gjashtë
Trepça 89` dhe Llapi kanë ndarë pikët, pasi ndeshja përfundoi 3:3.
Mitrovicasit tre herë ishin në epërsi, por nuk arritën ta mbajnë atë.
Me këtë barazim, tani ’89-shi ka dhjetë pikë të mbledhura dhe pozicionohet në vendin e shtatë në tabelë.
Në anën tjetër, Llapi ka 13 pikë në pozitën e pestë.
