Sot do të luhen ndeshjet e mbetura të xhiros së pestë të Champions League.
Grupi ku ende nuk ka përfunduar asgjë është grupi B, në të cilën bëjnë pjesë Arsenali, Sevilla, Lensi dhe PSV-ja.
Në këtë grup, vendin e parë e ka Arsenali me nëntë pikë, që do ta pres Lensin i cili është në pozitën e tretë me pesë pikë.
Kurse, PSV-ja do të udhëtojë për në Sevilla, atje ku baskëve iu nevojitet fitorja për të mbajtur gjallë shpresat për kalimin e grupit.
Aktualisht, Sevilla ka vetëm dy pikë nga katër ndeshje e cila zë pozitën e fundit në tabelë, ndërsa PSV-ja është në pozitën e dytë me pikë të njëjta sa Lensi, pesë sosh.
Garë e ashpër për vendin e dytë do të bëhet edhe në grupin A, ku për pozitën e dytë në garë janë Copenhagen, Galatasary dhe Manchester United, ndërsa Bayerni tashmë e ka siguruar kualifikimin me 12 pikë nga katër ndeshje.
Galata e cila është në pozitën e tretë me katër pikë do ta pres Unitedin i cili nga katër ndeshje të zhvilluara ka vetëm një fitore dhe tri humbje.
Ndërsa, Copenhagen që është në pozitën e dytë do të udhëtojë për në Gjermani, ku do të ndeshet me Bayern Munichun.
Më poshtë gjeni të gjitha ndeshjet që do të zhvillohen sot në kuadër të Champions League:
Galatasaray – Manchester United
Sevilla – PSV
Arsenal – Lens
Bayern Munich – Copenhagen
Benfica – Inter
Braga – Union Berlin
Real Madrid – Napoli
Real Sociedad – Salzburg
