Home

Kaq para fitojnë klubet shqipëtare në EL

Published

4 years ago

26 August 2020

Kukësi, Teuta dhe Laçi do të nisin më 27 gusht rrugëtimin në Ligën e Europës. Luhet për prestigj dhe mbi të gjitha për miliona, ndaj edhe skuadrat janë mobilizuar që minimalisht ta kalojnë një raund në këtë kompeticion. Vetëm pjesëmarrja sigurisht që sjell bonuset e veta, e megjithatë qëllimi është që të shtojnë disa para më shumë.

Kukësi – Verilindorët vetëm duke qenë pjesë e turit të parë marrin 240 mijë euro. E megjithatë, përpjekjet e klubit janë që ta kalojnë Slavian e Sofies për të çuar përfitimet në 500 mijë euro, pasi kualifikimi do i shtonte edhe 260 mijë euro.

Teuta – Për durrsakët ka nisur mirë kjo verë. Si fitues të Kupës së Shqipërisë përfituan nga FSHF-ja 50 milionë lekë (të vjetër), e më tej duke transferuar Sherif Kallakun te Lokomotiva e Zagrebit morën afro 150 mijë euro. Të sigurta kanë edhe 240 mijë euro si pjesëmarrës në turin e parë, por nëse do të kalonin Beitarin, atëherë përfitimet do të shkonin në afro 690 mijë euro. Një buxhet i mjaftueshëm për të qenë të qetë në sezonin 2020-2021.

Laçi – Ashtu si Kukësi, edhe Laçi të sigurta ka vetëm 240 mijë euro nga pjesëmarrja në turin e parë. Ndaj të besuarit e Armando Cungut do të luajnë gjithçka për gjithçka në Azerbajxhan përballë Keshlas, për t’i çuar përfitimet në 500 mijë euro. /sportnews3

Home

Nga Zidane te Ten Hag, trajnerët që janë pa ‘punë’

Published

4 weeks ago

13 November 2024

Perparim Beqiri

Një listë shumë e gjatë, e cila është vërtet mbresëlënëse. Ka shumë trajnerë që kërkojnë një ekip, duke filluar nga Zinedine Zidane, i cili fitoi gjithçka me Realin (dhe disa herë), por ka qenë praktikisht jashtë fushës që nga viti 2021, dhe duke përfunduar me Massimiliano Allegri, ende në lëvizje pas lamtumirës së tij të stuhishme me Juventus.

Në mesin e “të papunëve” të shkëlqyer nuk janë më Thomas Tuchel dhe Mauricio Pochettino, të bashkuar nga eksperiencat e tyre te PSG dhe Chelsea dhe tashmë trajner i Anglisë dhe SHBA-së, si dhe Jorge Sampaoli, i cili është kthyer në Francë dhe është trajneri i ri i Rennes, ndërsa Joachim Low mbetet ende jashtë, pa ekip që nga largimi nga Gjermania.

Të mos harrojmë Sergio Conceiçao dhe Maurizio Sarri, si dhe Erik ten Hag, i shkarkuar nga Manchester United dhe zëvendësuar nga Ruben Amorim.

Më pas janë Rudi Garcia, Graham Potter dhe Frank Lampard, por edhe Edin Terzic, finalist në Champions League me Borussia Dortmundin dhe Xavi, i larguar nga Barcelona “e tij”.

Në mbyllje të listës, duke përmendur vetëm më të njohurit, Sam Allardyce, Nico Kovac, Igor Tudor, Lucien Favre, Quique Setien, Walter Mazzarri, Rafael Benitez, Jurgen Klinsmann, David Moyes, Julien Stephan, Roger Schmidt, Daniele De Rossi, Davide Ballardini, Mark van Bommel, Patrick Vieira, Urs Fischer, Claude Puel, Leonardo Semplici, Aurelio Andreazzoli, Fatih Terim, Fabio Cannavaro dhe Gabriele Cioffi.

Të gjithë kërcënimet e mundshëm për trajnerët në të gjithë Evropën nëse gjërat shkojnë keq.

Home

U tërhoq nga garat e Superligës, Feronikeli ’74 sot mban konferencë për media

Published

1 month ago

1 November 2024

Perparim Beqiri

Skuadra Feronikeli ’74, pritet të zhvillojë sot konferencë të jashtëzakonshme për media, nga ora 14:30, në stadiumin “Rexhep Rexhepi”, në Drenas.

Kjo pas vendimit për tërheqje përfundimtare nga të gjitha garat e Federatës së Futbollit të Kosovës.

Në njoftimin e skuadrës nga Drenasi, thuhet se vendimi për largim u mor për shkak të pakënaqësisë së madhe me mënyrën e referimit.

Home

“Dridhet” pankina e Mancinit, Arabia Saudite mendon për trajnerin francez

Published

2 months ago

21 October 2024

Perparim Beqiri

Rezultatet negative kanë bërë që te Arabia Saudite të mendojnë largimin e trajnerit Roberto Mancini. Në kualifikueset e Kupës së Botës, skuadra e drejtuar nga Mancini në 4 ndeshje, ka marrë vetëm 5 pikë.

Drejtuesit e Federatës po mendojnë për pasuesin. Sipas asaj që shkruajnë mediat, arabët duan të ulin në pankinë Zinedine Zidane, me trajnerin francez që është pa skuadër që nga koha kur u “divorcua” me Real Madrid.

Zidane ka refuzuar shumë oferta kohëve të fundit, por një propozim faraonik nga Arabia Saudite mund t’i ndërrojë mendjen. Sesi do shkojnë gjërat, mbetet të shihet.