Skuadra Interi, në të cilën luan shqiptari Kristian Asllani, ka arkëtuar tri pikë të rëndësishme në garën për titull, duke ngushtuar epërsinë e liderit Napoli në vetëm një pikë pas 20 xhirosh në Serie A.
Ekipi i Francesco Inzaghit dominoi ndaj Venezia në udhëtim duke shënuar fitore me golin e Darmian në minutën e 16-të.
Napoli udhëheq në tabelë me 44 pikë, një më shumë se Interi, por me dy ndeshje më pak. Pasojnë Atalanta me 42, Lazio 36, Juventus 33, Fiorentina 32. Venezia ndërkaq mbetet në pozitën e parafundit me 14 pikë dhe rrezikon të bie nga elita e futbollit italian.
Në ndeshjen tjetër të zhvilluar sot, Genoa mposhti Parma me rezultat 1:0, ndërsa sonte luajnë edhe Bologna-Roma dhe Napoli-Verona. Xhiroja e 20-të përmbyllet nesër me ndeshjen ndërmjet Monza dhe Fiorentina.
