Është hedhur shorti edhe për Ligën e Konferencës të riformatuar, ku Chelsea si një nga favoritët kryesor të kësaj gare ka mësuar gjashtë kundështarët e saj.

Në forumin Grimaldi në Monako, u hodh shorti për 36 skuadra për garën e tretë për nga rëndësia që organizohet nga UEFA.

Për dallim nga Liga e Kampionëve dhe Liga e Evropës, në Ligë të Konferencës do të jenë gjashtë përballje, tri nga të cilat në shtëpi e tri në udhëtim për çdo skuadër.

Chelsea, Fiorentina e Real Betis janë skuadrat më me emër që marrin pjesë në këtë garë, ku asnjëra prej tyre nuk ka ndonjë përballje të vështirë apo takime mes vete.

Shorti i plotë për të gjitha skuadrat:

Vazoja e parë

Vazoja e dytë

Vazoja e tretë

Vazoja e katërt

Vazoja e pestë

Vazoja e gjashtë

Liga e Konferencës do të fillojë më 3 tetor, ku do të zhvillohet 18 ndeshjet e para, në dy orare (18:45 dhe 21:00).

Chelsea ka pësuar humbje në udhëtim te Servette, por është kualifikuar në Ligë të Konferencës.

Skuadra londineze fitoi 2:0 në Stamford Bridge një javë më parë, teksa sot pësoi humbje 2:1, për t’u kthyer në garat evropiane pas një viti mungesë, ndonëse në Ligë të Konferencës, që është gara e tretë për nga rëndësia, pas Ligës së Kampionëve dhe Ligës së Evropës.

Chelsea e dominoi krejtësisht edhe këtë takim, por që nuk arrinin të realizonin rastet e krijuara, me vendasit që shënuan dy herë nga tri goditje në portë.

Të kaltrit e Londrës kaluan të parët në epërsi kur Christopher Nkunku shënoi nga penalltia për 1:0 në minutën e 14-të.

Guillemenot barazoi shifrat në minutën e 32-të pas një kundërsulmi të shpejtë.

Në pjesën e dytë u shënua vetëm një gol. Ishte Crivelli që e kaloi në epërsi Servetten në minutën e 72-të për herë të parë në epërsi, për të krijuar panikë te skuadra e Chelseat.

Por, kaq ishte sa i përket golave. Chelsea fitoi 3:2 me rezultat të përgjithshëm dhe kualifikohet në Ligë të Konferencës, ku nesër do ta mësojë fatin e saj, kur të hidhet shorti.

Drita e ka përfunduar rrugëtimin në Evropë, duke u eliminuar në play-off të Ligës së Konferencës nga Legia e Varshavës, me përballjen në Fadil Vokrri që përfundoi 0:1. Në anën tjetër, Milot Rashica me Besiktasin kanë triumfuar ndaj Luganos, për t’u kualifikuar në Ligë të Evropës.

Intelektualët kishin punë të vështirë, pasi u nevojitej fitore me më shumë se dy gola diferencë, pasi humbi në ndeshjen e parë 2:0 në Poloni.

Skuadra e Zekirja Ramadanit në kërkim të golit ishte më e mirë në pothuajse 90 minuta, por nuk arritën të shënonin gol.

Ndeshja u përshkrua me dominim të posedimit të topit nga Intelektualët, por që këta të fundit dërguan vetëm dy gjuajtje në drejtim të portës, ndërsa mysafirët në rastin e parë serioz shënuan në minutat shtesë për 1:0.

Ashtu si në ndeshjen e parë, edhe kësaj radhe, Drita nuk e mbylli takimin me të gjithë lojtarët në fushë, pasi Rron Broja mori kartonin e dytë të verdhë në minutën e 77-të.

Me rezultatin e përgjithshëm 3:0, Legia e Varshavës kualifikohet në Ligë të Konferencës, ndërsa për Dritën përfundon rrugëtimi evropian këtu.

Në anën tjetër, Milot Rashica i Kombëtares së Kosovës, do të luajë në Ligë të Evropës, kjo pasi Besiktasi e mposhti me rezultat të përgjithshëm 8:4 Luganon.

Rashica asistoi në golin për 3:1, kur shënoi Rafa Silva, ndërsa luajti 77 minuta. Me asist kontribuoi edhe Ernest Muçi i Kombëtares së Shqipërisë për rezultatin përfundimtar 5:1.

Te Lugano u paraqit sulmuesi kosovar, Shkëlqim Vladi, që shënoi golin e vetëm për skuadrën e tij.