Federata e Futbollit të Kosovës ka vendosur që ta mbyllë për 25 ditët e ardhshme stadiumin ‘Fadil Vokrri’.
Deri te ky vendim ka ardhur pasi bari natyral është duke u rritur dhe të mos dëmtohet.
Skuadra që i zhvillon ndeshjet në këtë stadium si vendas, FC Prishtina e ka konsideruar si vendim të pranueshëm.
Drejtori gjeneral i FC Prishtinës, Artan Osmani ka thënë për TV Dukagjinin, se nuk po e sheh si shumë shqetësuese për këtë, pasi kryeqytetasit do ta luajnë vetëm një ndeshje jashtë ‘Fadil Vokrrit’.
“Nuk po e shoh shumë shqetësuese, pasi nuk do të luajmë vetëm një ndeshje si vendas. Natyrisht qejf nuk kemi, por s’kemi çka të bëjmë pasi situata është e tillë”.
“Shpresoj që kur të përfundon rinovimi të kemi sërish mbështetjen maksimale të tifozëve tanë”, ka thënë Osmani.
Prishtina do të luajë këtë fundjavë në udhëtim te Ballkani, derisa javën e ardhshme e pret Dukagjinin.
