Llapi është përshëndetur nga kualifikueset për Ligën e Evropës, duke u mposhtur edhe në shtëpi nga skuadra polake Wisla Krakow.

Skuadra e Tahir Batatinës pësoi humbje edhe në shtëpi, duke u mposhtur me rezultat 2:1 (4:1 rezultati i përgjithshëm).

Llapi e nisi në mënyrë fantastike duke rrezikuar përmes talentit Elvir Gashijan, që shkëlqeu me driblime dhe rrezikoi disa herë megjithatë s’ia doli t’i finalizonte.

Wisla në fakt shënoi pas 16 minutave përmes Olivier Sukiennicki, mirëpo u anulua shkaku i pozitës jashtë loje në ndërtimin e aksionit.

Ishte Angel Rodado që mori një harkim fantastik, duke përfituar nga një intervenim i dobët i Avdylit për të kaluar Wislan në epërsi (59’).

Llapi shënoi pas 10 minutave me Blend Baftiun, mirëpo fatkeqësisht goli i ish yllit të Ballkanit u anulua për pozitë jashtë loje.

Ishte i inkuadruari Ardit Tahiri që shënoi një gol të bukur pasi mori një asistim fantastik për ta barazuar rezultatin (74’).

Megjithatë, fati s’ishte në anën e Llapit – ku pësuan një gol të vonshëm përmes Giannis Kiakos që dribloi dy mbrojtës dhe tundi rrjetën e klubit kosovar (90’).

Tash, Llapi do të vazhdojë rrugëtimin evropian në rrethin e dytë të Ligës së Konferencës.

Llapi do të luaj për herë të parë në histori të klubit në garën e UEFA-s, Ligën e Evropës.

Llapjanët në rrethin e parë të kësaj gare do të përballen me skuadrën e madhe polake, Wisla Karkow.

Në rast se kalojnë polakët, Llapi ka mësuar edhe kundërshtarin e rrethit të dytë të kësaj gare.

Skuadra e udhëhequr nga Tahir Batatina në rast të kalimit tutje do të takohet me skuadrën austriake Rapid Wien.

Atalanta ka avancuar në gjysmëfinale të Ligës së Evropës, duke mposhtur Liverpoolin me rezultat të përgjithshëm 3-1.

Pas ndeshjes është deklaruar trajneri i të Kuqve, Jurgen Klopp, i cili theksoi se ishte i kënaqur me reagimin e lojtarëve të tij.

“Më pëlqente shumë loja për një kohë të gjatë, përkushtimi, dëshira, fuqia”, u shpreh Klopp.

“Ky ishte reagimi që na duhej. Jam i kënaqur me pjesën më të madhe të lojës”.

“Ne krijuam 67 goditje në tre ndeshjet që nuk i fituam. Është vërtet e çuditshme…”.