Nuk kanë vonuar shumë për të prezantuar emrin e ri. Vetëm një ditë më parë, “gjigantët” francezë, të Olympique Marseille njoftuan shkarkimin e teknikut, Gennaro Gattuso, pas rezultateve jo aq të pëlqyeshme, në drejtmin e “Të Kaltërve”, ku në 24 përballje regjistroi 9 fitore, 8 barazime e 7 humbje, me një mesatare pikësh, prej 1.46 për ndeshje.

Megjithatë, pritja nuk ka zgjatur shumë me franceezët kanë zbuluar emrin e teknikut të ri dhe nuk do të jetë ish-tekniku i Paris Saint-Germain, Christopher Galtier, por 70-vjeçari francez, Jean-Louis Gasset, me ish-teknikun e Kombëtares së Bregut të Fildishtë, i cili pritet të zyrtarizohet te skuadre tij e re, orët në vazhdim, ku detyra kryesore do të jetë avancimi dhe zgjatja sa më shumë e rrugëtimit të Marseille në Europa League.

Kështu, Gasset, shndërrohet në trajnerin e katërt të këtij sezoni te Marseille pas Marcelino, Jacques Abardonado dhe Gattuso, teksa duhet kujtuar se Ligue 1 është një terren i njohur për 70-vjeçarin francez, ku ka udhëhequr skuadra si Caen, Istres, Montpellier, Saint-Etienne, si dhe Girondon de Bordeaux.

Gennaro Gattuso është shkarkuar nga skuadra franceze Marseille në mëngjesin e së hënës nga bordi i klubit, njofton LajmeSportive.Net.

Shkarkimi i tij erdhi pas rezultateve jo të mira ndeshjeve të fundit.

Klubi tani është angazhuar për të gjetur trajnerin e ri sa më parë.

Trajneri i Paris Saint-Germain, Luis Enrique, ka refuzuar ta komentojë vendimin e Kylian Mbappes për t’u larguar nga skuadra në fund të sezonit, me spanjollin që foli para gazetarëve sot.

ESPN raportoi të enjten se Mbappe ka informuar PSG-në për qëllimin e tij për t’u larguar kur kontrata e tij të skadojë në fund të sezonit, me burime që thonë se Real Madridi po pret të nënshkruajë me sulmuesin, i cili është një nga yjet më të lakmuar në sport.

Megjithatë, në një konferencë shtypi të premten ishte e qartë se menaxheri i PSG nuk do të bënte një koment për largimin e Mbappes.

“Jo. Nuk mund të them asgjë,” tha Luis Enrique.

Më pas ai u pyet nëse ishte i shqetësuar për angazhimin e lojtarit për pjesën tjetër të sezonit, por trajneri e bëri të qartë se kjo ishte një temë që nuk ishte për diskutim.

“Unë do të përpiqem t’i jap fund kësaj teme. Nuk kam asnjë koment për të bërë,” tha Enrique.

“Palët e përfshira ende nuk kanë thënë asgjë publikisht, Kylian Mbappé nuk ka thënë asgjë publikisht. Kur të flasin të dyja palët, unë do të jap mendimin tim”.

Pyetjet rreth lajmeve vazhdonin të vinin dhe trajneri spanjoll u pyet për atmosferën në stërvitjen e mëngjesit të sotëm.

“Atmosfera në stërvitje është si para çdo ndeshjeje, dhe në këtë rast është përpara Nantes. Ishte një stërvitje normale pa asnjë lajm,” tha Luis Enrique.

Burimet nga Madridi këmbëngulin se lojtari ende nuk i është përgjigjur ofertës së raportuar nga ESPN javë më parë, megjithëse shpresojnë se Mbappe do të përgjigjet së shpejti, duke besuar se kanë bërë gjithçka që munden për ta bindur atë të bashkohet.

Vendimi i Mbappes për t’u larguar nga PSG ishte një temë e nxehtë në futbollin botëror të premten, me trajnerin e Arsenalit, Mikel Arteta, duke thënë se klubi i tij duhet të nënshkruajë me lojtarë të kalibrit të tij.

Megjithatë, Luis Enrique tha se bisedat e vazhdueshme rreth të ardhmes së Mbappes nuk do të ndikojnë në sezonin e PSG-së.

“Unë nuk jam aspak i shqetësuar… Gjithmonë ka thashetheme rreth klubit, ju duhet të dini se si ta menaxhoni këtë. Gjithmonë do të ketë kritika dhe lëvdata,” tha ai. “Kjo është e gjitha normale. Ka gjithashtu polemika, ne e dimë këtë. Nëse nuk ju pëlqen kjo, nuk mund të jeni në një klub si ky.”