Drita e synon përmbysjen e madhe sonte në Evropë

Published

3 months ago

29 August 2024

Drita do ta synojë sonte përmbysjen e madhe në Ligën e Konferencës.

Skuadra kosovare do të futet në fushën e blertë me një deficit prej dy golash nga ndeshja e parë e “Play-Offit” të kësaj gare.

Gjilanasit u mposhtën javën e kaluar nga Legia Varshava me rezultat 0:2, një rezultat ky mjaft i papërshtatshëm, shkruan “Gazeta Express”.

Sidoqoftë, të prirë nga tifozët e tyre “Intelektualët”, Bardhekaltrit do ta kërkojnë mrekullinë dhe kualifikimin historik në Conference League.

Drita është skuadra e vetme kosovare e mbetur në garat evropiane, derisa më herët janë eliminuar Ballkani, Llapi e Malisheva.

Nëse e kalon edhe këtë fazë, Drita do ta arrinte suksesin historik që e kishte regjistruar Ballkani në dy sezonet paraprake.

Sonte në mbështetje të ekipit gjilanas pritet të jenë prezentë një numër i konsiderueshëm shikuesish në stadiumin “Fadil Vokrri” në Prishtinë.

Ndeshja mes Dritës dhe Legias do të luhet sonte duke filluar nga ora 20:00. /Gazeta Express/

Chelsea merr fitoren e katërt në Ligën e Konferencës, mposht Heidenheim

Published

2 weeks ago

28 November 2024

Perparim Beqiri

Chelsea ka regjistruar edhe fitoren e katërt radhazi në Ligën e Konferencës, duke triumfuar në udhëtim te Heidenheim.

“Blutë” arkëtuan pikët e plota falë një fitore komode 0:2, sfidë që e dominuan nga fillimi.

Mysafirët me lojë agresive nga fillimi duke pasur disa mundësi shënimi me Mudryk e Nkunkun, por dështuan t’i finalizuan.

Ishte Christopher Nkunku që e kontrolloi për mrekulli një pasim të fortë të Jadon Sanchos për t’i dhënë epërsinë Chelseas (51’).

Vendasit pastaj shënuan përmes Maximilian Breunig, mirëpo që VAR-i e anuloi për pozitë jashtë loje.

Fitoren e Chelseas e vulosi Mykhailo Mudryk pas një tjetër asistimi të Sanchos (86’).

Heidenheim në fakt shënuan prapë përmes Breunig, por sërish u anulua për pozitë jashtë loje.

Chelsea ka 12 pikë në kreun e Ligës së Konferencës, kurse Heidenheim renditet në pozitën e gjashtë me nëntë sosh.

Chelsea e pamëshirshme ndaj Noah, ia shënon tetë gola

Published

1 month ago

7 November 2024

Perparim Beqiri

Chelsea nuk ka treguar aspak mëshirë ndaj skaudrës Noah, duke e demoluar në “Stamford Bridge”.

Skuadra londineze luajti me shumicën e lojtarëve të rinj, ndërsa triumfoi me rezultat të thellë 8:0.

Tosin Adarabioyo shënoi një gol me kokë për t’i dhënë epërsinë Chelseas (12’), ndërsa vetëm një minutë më vonë Marc Guiu e dyfishoi epërsinë (13’).

Axel Disasi pastaj realizoi golin e tretë pas një asistimi të Enzo Fernandezit (18’).

Ishte Joao Felix që u përkujdes për golin e katërt vetëm tre minuta më vonë pas një tjetër asistimi të Fernandezit (21’).

Chelsea s’u ndalë më kaq duke shënuar edhe dy gola për dy minuta. Mykhailo Mudryk përfitoi nga pasimi i Nkunkut për ta dërguar rezultatin në 5:0 (39’).

Kurse, Felix shënoi golin e dytë personal vetëm dy minuta më vonë pas asistimit të Felixit (41’).

Chelsea vazhdoi fuqishëm edhe në pjesën e dytë, ku Nkunku realizoi një dygolësh (69’, 76’).

Chelsea është lider në Ligën e Konferencës me nëntë pikë ndërsa Noah renditet në pozitën e 27-të me tre sosh.

Chelsea bindëse ndaj Panathinaikos

Published

2 months ago

24 October 2024

Perparim Beqiri

Chelsea ka shënuar fitore të thellë në udhëtim te skuadra greke Panathinaikos, në kuadër të xhiros së dytë për fazën e ligës të Ligës së Konferencës.

“Blutë” zhvilluan një tjetër paraqitje solide duke fituar me rezultat 1:4 në fund.

Joao Felix kaloi Chelsean në epërsi me një gol të bukur pas asistimit të Mudryk (22’).

Mudryk ishte në formë të jashtëzakonshme, duke dyfishuar epërsinë pas një pasimi të Netos (49’). Vetëm pesë minuta, Felix doli sërish në skenë për ta shënuar golin e tretë për “Blutë”, pas një tjetër asistimi të Mudryk (55’).

Kurse fitoren pastaj e vulosi Christopher Nkunku, duke qenë i saktë nga penalltia (59’).

E tëra që bëri skuadra greke ishte goli i nderit, i realizuar nga Pellistri pas asistimit të Vagiannidis (69’).

Chelsea mbetet lider në fazën e ligës të Ligës së Konferencës me gjashtë pikë, kurse grekët zënë pozitën e 24-të me një sosh.