“Dardanët” nisen për në Bazel

Published

1 year ago

17 November 2023

Federata e Futbollit e Kosovës ka njoftuar se Dardanët janë nisur për në Bazel, ku të shtunën do të përballen me Zvicrën në ndeshjen e parafundit të ciklit kualifikues për Euro 2024.

Asnjëra nga kombëtaret e Grupit I, ku bën pjesë edhe Kosova, nuk e kanë siguruar kualifikimin tutje.

Në vend të parë është Zvicra me 16 pikë, e pasuar nga Rumania me po aq pikë. Në të tretin është Izraeli me 12 pikë, ndërsa Kosova është në të katërtin me 10 pikë.

Kosova ka shumë pak gjasa kualifikimi në Euro 2024 që do të mbahet në Gjermani.

“Dardanët” deri në fundin e kampanjës kualifikuese i kanë edhe dy ndeshje, sot (më 18 nëntor) si mysafirë të Zvicrës dhe më 21 nëntor në “Fadil Vokrri” kundër Bjellorusisë.

Skuadra e udhëhequr nga Primozh Gliha, duhet t’i fitojë dyja takimet.

Ndërkaq, Rumania duhet të fitojë ose të barazojë kundër Izraelit dhe fitojë ndaj Zvicrës.

Kjo është formula e mundshme se si Kosova mund të jetë pjesë e evropianit që vitin e ardhshëm do të mbahet në Gjermani.

Kombëtarja ku luajnë edhe dy futbollistët me prejardhje nga Kosova, Granit Xhaka dhe Xherdan Shaqiri, nuk po kalon momentet më të mira.

Zvicra nuk ka arritur në fitojë në katër nga pesë ndeshjet e fundit, dhe kjo do të jetë mundësi e mirë për “kaltëreverdhët”.

Mbetet të shihet nëse do të arrihet edhe ky objektiv.

Goditi kundërshtarin në miqësoren me Austrinë, Sane: Është faji im, nuk kisha asgjë personale me të

Published

1 year ago

22 November 2023

Perparim Beqiri

Gjermania humbi 2-0 miqësoren ndaj Austrisë, takim të cilin djemtë e Julian Nagelsmann e luajtën me një lojtar më pak prej minutës së 49’. Moment kur Leroy Sane u ndëshkua me karton të kuq.

Sane goditi në fytyrë Philipp Mwene dhe rrezikon të pezullohet me 3 ndeshje, duke humbur në këtë mënyrë miqësoret e ardhshme të Gjermanisë, veprim për të cilin sulmuesi i Bayern Munchen është penduar.

“Është faji im dhe i askujt tjetër. Unë duhet ta kontrolloj veten, pasi zhgënjeva skuadrën. Dua të qartësoj se nuk kisha asgjë personale me Philipp. Thjesht isha i motivuar në maksimum dhe doja që gjërat të shkonin në drejtimin e duhur”,- tha anësori i Bayern Munich.

UEFA EURO 2024 Qualification

Shorti i “EURO 2024” po afron, UEFA bën publike katër vazot, Shqipërinë e pret “grupi i ferrit”

Published

1 year ago

22 November 2023

Perparim Beqiri

Kroacia ka qenë kombëtarja e fundit që i ëhstë bashkuar listës së skuadrave që kanë siguruar kualifikimin në EURO 2024. Kështu, është plotësuar numri me 21 skuadrat e kualifikuara, ndërsa tre të tjera do t’u shtohen pas fazës së play-off, për të formuar 24 ekipet që do të marrin pjesë në turne.

Duket qartë që vazoja e parë mban skuadrat e mëdha, me Gjermanin, Portugalinë, Francën, Spanjën, Belgjikën dhe Anglinë.

Në të dytën, ndodhet Danimarka, Hungaria, Austria, Shqipëria, Turqia dhe Rumania. Në vazon e tretë ndodhet Skocia, Sllovakia, Çekia, Sllovenia, Holanda dhe Kroacia. Ndërsa në vazon e fundit, Italia, Zvicra, Serbia dhe tre fituesit e fazës play-off.

Shqipëria pritet të ketë një grup tepër të vështirë, ku me shumë gjasa nuk do të shmanget dot “grupi i ferrit”.

UEFA EURO 2024 Qualification

Kroacia e kualifikuara e fundit, Turqia e mbyll grupin D në vendin e parë

Published

1 year ago

21 November 2023

Perparim Beqiri

Kanë përfunduar dhe sfidat e fundit të fazës kualifikuese të Kampionatit Evropian të futbollit, Euro 2024, ku në grupin D, le të themi, që nuk ka patur asnjë surprizë përveç mungesës së goleadës, në fitoren e Kroacisë.

Kështu, Kroacia e Zlatko Dalic është bërë Kombëtarja e fundit, e cila kualifikohet për në fazën e grupeve të Kampionatit Evropian të futbollit, Euro 2024, me golin e Ante Budimir, që mjaftoi ndaj kundërshtarëve armenë, për të gjetur 3 pikët e arta, që siguruan pjesëmarrjen në Euro 2024, për skuadrën e teknikut Zlatko Dalic.

Në krahun tjetër, Turqia nuk ka shkuar më shumë barazimi, 1 me 1, ndaj “Dragonjve” të Uellsit. Nga një gol i Neco Ëilliams e Yusuf Yazici mjaftuan për të “vulosur” fatet e sfidës, por edhe vendin e parë të skuadrës së italianit Vincenzo Montella, në grupin D.