Daja pas humbjes së Ballkanit: Mund të bënim më mirë

Trajneri i Ballkanit, Ilir Daja ka folur pas humbjes në ndeshjen e Ligës së Konferencës, ndaj Slavia Praga.

Ballkani ka pësuar humbjen e parë në garat evropiane, pasi u mposhtën 3:2 nga ekipi çek.

Ishte Ilir Daja, trajneri i ekipit kosovarë, që tha se i përgëzon djemtë për paraqitjen, pasi kishin të bëjnë me një ekip që kanë më shumë eksperiencë në garat evropianë.

“Ne do të bëjmë një analizë të kësaj ndeshje, por i përgëzojë djemtë pasi kemi pasur një kundërshtarë të vështirë dhe kemi shënuar dy gola. Mund të bënim më mirë, por ata kanë më shumë eksperiencë. Pasi kanë qenë edhe në Ligën e Kampionëve në grup me Barcelonën edhe Interin”, u shpreh ai.

Në dy ndeshje sa ka zhvilluar deri më tani në kuadër te grupeve të Ligës së Konferencës, Ballkani ka vetëm një pikë.