Ish mbrojtësi Giorgio Chiellini nuk beson aspak që Shqipëria mund të shkaktojë ndonjë befasi dhe ta mposhtë Spanjën.
“Kuq e Zinjtë” kanë nevojë për tre pikë për të avancuar në fazën e eliminimit direkt, me Spanjën që tashmë e ka siguruar kualifikimin.
Sidoqoftë, Chiellini pak para ndeshjes ka deklaruar se Shqipëria s’ka asnjë shans për ta mposhtur Spanjën.
“A ka shanse Shqipëria ndaj Spanjës? Nëse shohin kombinimet dhe rezultatet e grupeve tjera, ndoshta mund të kenë 1 për qind shanse për fitore por përballë Spanjës, më vjen keq por Shqipëria nuk ka asnjë gjasë për të fituar”.
“Nëse marrin ndonjë pikë mund të presin për fundin e grupeve, që të shpresojnë të avancojnë si një nga katër skuadrat e treta më të mira, por kundër Spanjës nuk iu jap as edhe një shans”, deklaroi ai.
Ndërkohë, Shqipëria ka gjasa për të avancuar edhe si vend i tretë megjithatë duhet të shpresojë fillimisht që Italia ta mposht ose barazojë me Kroacinë, e pastaj të ndodhin disa skenarë edhe në grupet e tjera.
