Sadio Mane mund ta bëjë një rikthim të pabesueshëm në futbollin evropian.

Për këtë është i sigurt mediumi spanjoll “Sport”, përcjell “Gazeta Express”.

Në fakt, 32 vjeçari mund të përfundojë në Itali, respektivisht tek Interi.

Aktualisht, futbollisti afrikan është pjesë e ekipit Al-Nassr, ku po luan së bashku me Cristiano Ronaldon, por ish-futbollisti i Liverpoolit e Bayern Munichut duket se dëshiron ta provojë edhe një eksperiencë evropiane.

Mane ka kontratë me klubin nga Saudi Pro League deri më 30 qershor të vitit 2026, por “Nerazzurri” mund ta bindin atë që të rikthehet në Kontinentin e Vjetër.

Mane ka qenë lojtar i jashtëzakonshëm në Premierligë duke fituar gjithçka që është e mundshme me “Reds”, ndërsa në Bundesliga me gjigantin bavarez e pati një përvojë për t’u harruar.

Sidoqoftë, ai mund t’i japë kontribut të madh Interit nëse përfundon aty nga janari e tutje pasi ndihet ende në formë të mirë fizike. /Gazeta Express/

Juventus dhe Roma janë dy klubet që kanë shfaqur interes më të lartë për të transferuar sulmuesin e përfaqësueses së Kosovës që aktivizohet te Lille, Edon Zhegrovën.

Sipas raportimeve të medieve italiane si klubi torinez edhe kryeqytetasit pritet të vazhdojnë nga puna për të tentuar afrimin e Zhegrovës këtë merkato.

Megjithatë, duket se “Bardhezinjtë” janë disi më të avantazhuar në këtë garë, kjo për shkak se “Zonja e Vjetër” ka marrëdhënie të shkëlqyera me agjentin e sulmuesit, Hasn Cetinkaya, duke qenë se është i njëjti person që shiti Denis Zakaria për 20 milionë te Monaco.

Tashmë mbetet për t’u parë se cila do të jetë zgjedhja e Zhergovës në fund, mirëpo ajo që dihet është 25-vjeçari është kthyer ndër lojtarët më të kërkuar të momentit, teksa këtë sezon ka arritur të shënojë plot 8 gola e të asistojë 2 të tjerë. /i.m /abcnews.al

Viktor Gyokeres është një nga sulmuesit më në formë në Evropë, pasi ai vazhdimisht shënon dhe asiston me fanellën e Sporting Lisbonës. Shumë klube të mëdha janë venë në garë për lojtarin duke përfshirë Arsenalin, Manchester United, Bayern Munich dhe Barcelonën.

Por së fundmi edhe gjiganti tjetër anglez Chelsea po shqyrton një lëvizje në janar për Viktor Gyokeres , i cili mund të largohet nga Sporting CP brenda një muaji, raporton David Ornstein i The Athletic.

Pavarësisht pritshmërive që sulmuesi suedez do të largohet nga Sporting CP në fund të sezonit, e ardhmja e 25-vjeçarit është e pasigurt pas largimit të trajnerit Ruben Amorim.

Gyokeres ka një klauzolë lirimi prej 100 milionë euro, por ai mund të jetë në dispozicion për rreth 70 milionë euro, me Sporting të gatshëm për të negociuar.

Chelsea është e interesuar për Gyokeres prej muajsh tashmë, duke e ndjekur atë që nga vera dhe janë të gatshëm të ndërhyjnë në janar për ta transferuar në Stamford Bridges. 26-vjeçari ka pasur një nisje spektakolare të sezonit, ku në 20 ndeshje ka shënuar 24 gola dhe ka asistuar në katër të tjerë në të gjitha garat.