Ballkani triumfon ndaj Feronikelit ’74, Malisheva mund Llapin

Published

4 weeks ago

4 November 2024

Ballkani ka vazhduar me fitore duke mposhtur në udhëtim Feronikelin ’74, derisa Malisheva shënoi fitore ndaj Llapit.

Kampioni i Kosovës arkëtoi pikët e plota me një triumf 1:3, sfidë ku ishin më të mirë.

Halili me një autogol i dha epërsinë mysafirëve (16’), ndërsa vetëm një minutë më vonë Sunday Adetunji e dyfishoi epërsinë (17’).

Feronikeli tentoi të këndellet duke e ngushtuar epërsinë përmes Sahitit, që ishte i saktë nga pika e bardhë (51’).

Sidoqoftë, braziliani Queven u përkujdes për ta rikthyer epërsinë e dyfishtë me një goditje nga distanca, e cila u devijua dhe përfundoi brenda rrjetës (72’).

Fitoren krejt në fund e vulosi Bernard Karrica (90+4′).

FC Ballkani tani merr kreun e tabelës me 22 pikë ndërsa Feronikeli ’74 qëndron në fund me vetëm tre sosh.

Në anën tjetër, Malisheva e ka fituar derbin ndaj Llapit me rezultat të ngushtë 2:1.

Valmir Berisha pas vetëm tetë minutave lojë i dha epërsinë Malishevës me një aksion të shpejtë.

I njëjti pastaj dyfishoi epërsinë me një tjetër gol të bukur (29’).

Llapi provoi të kthehet në lojë duke e ngushtuar epërsinë me anë të inkuadruarit Mërgim Cernavërni (64’), por kjo ishte e tëra që ia dolën të bënin.

Malisheva në fakt shënoi mirëpo reagoi VAR-i për ta anuluar për pozitë jashtë loje.

Kësisoj, Malisheva shkon në koutën e 22 pikëve si vend i dytë në tabelë ndërsa Llapi zë pozitën e gjashtë me 15 sosh.

Prishtina e Malisheva iu gëzohen fitoreve të vonshme

Published

1 day ago

1 December 2024

Perparim Beqiri

Si Prishtina ashtu edhe Malisheva i kanë fituar pikët e plota në përballjet ndaj Dukagjinit, respektivisht Gjilanit.

Më interesante është fakti se të dy skuadrat realizuan në minutat e fundit të kohës shtesë për t’i arkëtuar pikët e plota.

“Bardhëkaltërit” triumfuan me rezultat 0:1 në udhëtim te Dukagjini, sfidë që doli të jetë mjaftë e hapur.

Prishtina në fakt shënoi një herë përmes Sunday Akinbule (86’), mirëpo që VAR-i e anuloi shkaku që lojtarit kishte faullur portierin vendas para se ta finalizonte goditjen.

Sidoqoftë, heroi i Prishtinës doli të jetë Leonat Vitija, që realizoi me kokë në aksionin e fundit (90+7’).

Prishtina tani renditet në pozitën e katërt me 25 pikë, ndërsa Dukagjini qëndron në pozitën e tetë me 17 sosh.

Në anën tjetër, Fatijon Bunjaku ia ka fituar Malishevës pikët e plota në udhëtim te Gjilani me një eurogol vollej.

Ndeshja ishte shumë e barabartë me raste nga të dy skuadrat por që iu mungoi finalizimi deri në fund. Kur të gjithë menduan se përfundoi gjithçka, në skenë doli Bunjaku që me një vollej e la të shtangur portierin e Gjilanit (90+6’).

Me këtë fitore, Malisheva merr vendin e dytë në tabelë me 28 pikë kurse Gjilani qëndron në pozitën e gjashtë me 17 sosh.

Superliga e Kosoves

Malisheva triumfon ndaj Gjilanit

Published

1 day ago

1 December 2024

Perparim Beqiri

Malisheva ka marrë fitore në frymën e fundit ndaj Gjilanit, duke triumfuar me rezultat minimal 0-1.

Ka qenë një duel shumë i luftuar me dy skuadrat që krijuan disa raste shënimi.

Gjilani rrezikoi e para me Albin Prapashticën, por që goditja e tij me kokë shkoi pranë portës.

Malisheva u kundërpërgjigj me Valmir Berishën, megjithatë pa sukses.

45 minutat e para të kësaj sfide u mbyllen me rezultatin e bardhë 0-0.

Edhe në pjesën e dytë dy skuadrat krijuan raste të mira shënimi, me Gjilanin që rrezikoi me Bilallin, Rrahmanin e Jarovic, derisa mysafirët u kundërpërgjigjën me Hazrollajn dhe Bunjakun.

E kur pritej fundi i ndeshjes, në skenë doli Fatjon Bunjaku që realizoi një gol spektakolar në minutën e 94-të për 0-1.

Nuk kishte më kohë dhe Malisheva arkëtoi tre pikë në këtë ndeshje ku tani ndodhet në pozitën e dytë në tabelë me 28 pikë, derisa Gjilani mbetet në pozitën e gjashtë me 17 sosh.

Në xhiron e ardhshme Gjilani luan në udhëtim te Prishtina, derisa Malisheva pret Feronikelin ’74.